Hifa: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
MerlIwBot (parembugan | pasumbang)
c Bot: Nambahaké zh:菌丝
PixelBot (parembugan | pasumbang)
c r2.7.3) (bot Mengubah: fa:اندیس ریسه
Larik 22: Larik 22:
[[es:Hifa]]
[[es:Hifa]]
[[et:Hüüf]]
[[et:Hüüf]]
[[fa:ریسه]]
[[fa:اندیس ریسه]]
[[fr:Hyphe]]
[[fr:Hyphe]]
[[gl:Hifa]]
[[gl:Hifa]]

Révisi kala 8 Oktober 2012 16.55

Sapérangan hifa Penicillium mawa badan woh

Hifa (basa Latin: hypha, jamak hyphae) iku struktur biologis arupa berkas-berkas alus sing arupa bagéyan saka badan vegetatif manéka fungi ("karajan jamur"). Hifa bisa kanthi gampang dideleng nganggo mata yèn wis mbentuk massa sing rapet lan mbentuk koloni-koloni ing bagéyan badan organisme inang utawa sisa-sisa organisme utawa panganan, ditepungi minangka miselium (mycelium, jamak mycelia). Bisa ditelakaké, hifa iku bentuk badan jamur sing sabeneré. Struktur kanthi wangun mèmper payung sing biasa ditepungi wong minangka jamur ora liya mung alat réprodhuksi sing ditepungi minangka badan woh, sing muncul mung sawektu-wektu.

Kanggo fungi, hifa duwé peran sing sithik okèh kaya oyot lan godhong ing tetanduran sisan. Hifa tuwuh nyebar jroning badan utawa kabèh bagéyan organisme. Wangun hifa sing alus miyaraké permukaan kontak karo substrat (obyèk panganané). Hifa banjur ngeculaké enzim utawa substansi liya (khususé ing fungi sing urip ing jaringan urip) ing substrat supaya sabanjuré diasilaké senyawa-senyawa kimia tinentu (utamané karbohidrat). Hifa banjur nyerep manèh senyawa-senyawa kimia iki kanggo dimupangataké sajroning metabolisme internal. Cara kerja kaya iki sing njalari fungi béda karo eukariota liyané, kaya tetanduran (autotrof) utawa kéwan (sapenuhé heterotrof). Fungi, kanthi cara kerja hifa kaya iki, ditepungi minangka saprotrof.

Saberkas hifa iku sel tunggal. Siji koloni hifa sing bisa dianggep kumpulan sel-sel raseksa umumé wanguné bunderan kanthi dhiameter sapérangan sentimeter. Senadyan mangkono, sapérangan fungi/jamur alas duwé jaringan hifa nganti puluhan meter dhiameteré.

Hifa biyèn dinggo mbédakaké kelas-kelas ing fungi. Fungi mawa hifa ora ana sekaté (Phycomycetes, "jamur ganggang") dibédakaké saka sing mawa sekat (Ascomycetes, Basidiomycetes, lan Deuteromycetes).