Ketéla pohung: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
Pras (parembugan | pasumbang)
ZéroBot (parembugan | pasumbang)
c r2.7.1) (Bot: Nambahaké bn:কাসাভা
Larik 126: Larik 126:
[[bg:Маниока]]
[[bg:Маниока]]
[[bjn:Jawaw]]
[[bjn:Jawaw]]
[[bn:কাসাভা]]
[[ca:Tapioca]]
[[ca:Tapioca]]
[[cs:Maniok jedlý]]
[[cs:Maniok jedlý]]

Révisi kala 5 Sèptèmber 2012 18.08

Ketéla pohung (singkong)
Gambar deskriptif singkong saka Koehlers Medizinischepflanzen
Klasifikasi ngèlmiah
Karajan: Plantae
Dhivisi: Magnoliophyta
Klas: Magnoliopsida
Ordho: Malpighiales
Famili: Euphorbiaceae
Subfamili: Crotonoideae
Tribe: Manihoteae
Génus: Manihot
Spésies: M. esculenta
Jeneng binomial
Manihot esculenta
Crantz

Ketéla pohung utawa singkong utawa kaspé, utawa jroning Basa Indonésia ubi kayu utawa ubi pohon, iku tetanduran taunan tropika lan subtropika saka kulawarga Euphorbiaceae. Uwiné dikenal minangka panganan pokok sing ngasilaké karbohidrat lan godhongé minangka janganan.

Téla pohong ing tlatah Surabaya karan menyok, ing tlatah Banyumasan diarani bodin yaiku jinis tetanduran kang biyasa ditandur ana ing tegalan ing mangsa rendheng. Tela kang ditandur ing taun tropika lan subtropika asalé saka kulawarga Euphorbiaceae. Umbiné mumpangaté akeh, salah sijiné bisa kanggo bahan panganan pokok lan ngasilaké karbohidrat lan godhong bisa kanggo sayuran. Godhong téla iku jenengé jlegur. Umbi téla kang ana ing lemah (siti) mertandhakaké, tetanduran iki kagolong ing suku palakepedhem, nduwéni oyot kang dadi pohung utawa umbi. Kanthi nduwéni ciri-ciri wujudé rata-rata gilig lan lonjong. Ing pohong nduwéni garis tengah kurang luweh 2-3 cm lan dawané kira-kira 50-80cm. Dawa lan gedhené téla bisa dipengaruhi saka jinisé kang ditandur ana ing tegalan. Werniné tela ana loro putih lan kuning.

Sajarah lan pengaruh ékonomi

Jinis ketéla pohung Manihot esculenta sepisanan dikenal ing Amérika Kidul banjur tumangkar ing mangsa pra-sejarah ing Brasil lan Paraguay. Jinis-jinis modhèrn saka spesies sing wis dibudidaya bisa ditemokaké tuwuh ing Brasil kidul. Senadyan spesies Manihot sing liar akèh, kabèh varitas M. esculenta bisa dibudidaya.

Prodhuksi ketéla pohung donya dikira-kira ngancik 184 yuta ton ing taun 2002. Sebagéan gedhé prodhuksi diasilaké ing Afrika 99,1 yuta ton lan 33,2 yuta ton ing Amérika Latin lan Kapuloan Karibia. Téla ditandur ing Indonesia kanggo panganan pokok (mangsa iku Hindhia Walanda) lan didol ing taun 1810[1], lan sakdurungé dikenalaké karo wong Portugis ing abad ke-16 ning Nuswantara saka Brasil.

Prodhuksi donya

Prodhuksi ketéla pohung donya (2008) [2]
Posisi Negara Gunggung 
Ton
1  Niger 44.582.000
2  Thailand 27.565.636
3  Brasil 25.877.918
4  Indonesia 21.593.052
5  Republik Demokratik Kongo 15.019.430
6  Ghana 9.650.000*
7  Vietnam 9.395.800
8  India 9.053.900
9  Angola 8.840.000*
10  Tanzania 6.600.000*
11  Uganda 5.072.000
12  Mozambik 5.038.623*
13  Paraguay 4.800.000*
14  Republik Rakyat Cina 4.361.573*
15  Kamboja 3.676.232
Sedunia 232.950.180

Kagunan

Minangka panganan sing bahan dasaré saka téla

  1. Gaplèk
  2. Gathot
  3. Ceriping
  4. Gemblong
  5. Sledrek
  6. Cethot
  7. Klenyem
  8. Samiyèr
  9. Lempeng
  10. Kopang

Bahan bakar

Ing sawetara negara, ketéla pohung wis akèh digawé bahan bakar ethanol, lan ketéla pohung dadi bahan bakar wigati [3].

Panganan kéwan

Ketéla pohung biasa dipigunakaké minangka panganan kéwan. Damèn godhong ketéla pohung sing wis digaringaké sedina utawa rong dina dianggo panganan kéwan kayadéné sapi, wedhus utawa wedhus gibas.

Obat tradhisional

  • Jinis sing godhongé rasané pait lumrah kanggo tamba penyakit hipertènsi, sirah ngelu lan nyeri.
  • Wong Kuba biasa migunakaké ketéla pohung kanggo nambani lara weteng.


Delengen uga

Rujukan umum

  1. FAO, June 2003 cassava market assessment, 2003
  2. Cereda, M.P. and Mattos, M.C.Y. (1996). "Linamarin - The Toxic Compound of Cassava". Journal of Venomous Animals and Toxins (online) 2 (1), 6-12; ISSN 0104-7930 [1]

Cathetan sikil

Pranala njaba

Cithakan:Link FA