Nabath

Al-Khazneh, Petra (Ibu kota Suku Nabath).

Shivta, Israel.

Nabath (basa Arab: نبط, basa Ibrani: נְבָיוֹת / Nevayōt) iku kelompok bangsa Arab kuna kang mapan ing Yordania tekan salore Damaskus. Jaman biyen, bangsa iki nggunakake basa Aram kanggo saben dina.

Bangsa Nabath iku bibite kaum Nabi Shaleh, utawa Kaum Tsamud. Kaum Tsamud kang misuwur perkawis ngukir pegunungan kanggo omah. Miturut sajarahwan bangsa Nabath iku kagolong bangsa Arab kuna. Bangsa Nabath iki bangsa kang nyembah brahala dhèwèké nyembah Dèwi Nasib, Manāt lan Hubal.

Etimologi

Dhèwèké jenengaké kaum Nabath (jamak al-anbậth الا نباط) kang miturut harfiah nduwèni teges wong pelosok/njeronan, lan ibukutha ing Petra.

Sajarah

Suku Nabath ngadegaké karajan wiwit abad 9 SM nganti 40 M. Suku Nabath wis tau dijajah dening Romawi lan didadekake propinsi saka Romawi kang dijenengi Arabia Petraea. Jeneng Petra kang ateges watu diwenehake dening wong Roma kang njajah nalika taun 106 SM. Pamrentahan dening bangsa Romawi umure mung saabad. Wiwit jaman iku Nabath ora katon meneh. Banjur Petra ditemokakae dening wong saka Swiss, Johan Burckhardt nalika taun 1812.

Bangsa Nabath uga prigel ing babagan dol tinuku. Bangsa kang wis tau ana sesrawungan babagan dol tinuku karo bangsa Nabath kayata Cina, India, Mesir, Suriah, Yunani lan Romawi kuno. Bangsa-bangsa iku padha dol tinuku barang kang awujud rempah-rempah, menyan, emas, kewan, besi, tembaga, gula, obat, gadhing, parfum, kain, lan liya-liyane.