Badminton

Kanggé kagunan sanès saking ', mangga mriksani [[]].

Badminton

Danish badminton player Peter Gade
Organisasi	Badminton World Federation
Dimainaké pisanan	Abad ka-17
Characteristics
Kontak	Ora ana
Anggota tim	Singel utawa dobel
Kategorisasi	Olahraga mawa rakèt
Piranti	Shuttlecock
Olimpiade	1992-saiki

Barkas:Ardy BW.jpg

Ardy B. Wiranata, pemain badminton misuwur saka Indonésia

Badminton utawa bulu tangkis iku sawijining olahraga mawa rakèt sing dimainaké déning wong loro (tumrap tunggal) utawa rong pasangan (tumrap gandha) sing silih tetandhingan.

Mèmper karo tenis, badminton nduwèni tujuan nampèl bal permainan ("kok" utawa "shuttlecock") ngliwati jaring supaya tiba ing bidang permainan lawan sing wis ditemtoké lan ngupaya nyegah lawan nglakoni bab sing padha.

Partai

Barkas:Bulutangkis ukuran.jpg

Lapangan badminton

Ana lima partai sing biasa dimainaké jroning badminton, yaiku:

1. Tunggal putra
2. Tunggal putri
3. Gandha putra
4. Gandha putri
5. Gandha campuran

Lapangan lan jaring

Lapangan badminton awangun pesagi dawa lan nduwèni ukuran kaya katon ing gambar. Garis-garis sing ana nduwèni kandel 40 mm lan kudu awarna kontras karo warna lapangan. Warna sing diprayogakaké kanggo garis yaiku putih utawa kuning. Lumahing lapangan diprayogakaké kagawé saka kayu utawa bahan sintetis sing empuk. Permukaan lapangan sing kagawé saka beton utawa bahan sintetik sing atos ora diprayogakaké banget amarga bisa agawé cidra pemain. Jaring sing dhuwuré 1,55 m dumunung ana ing tengah lapangan. Jaring kudu awarna peteng kajaba lambé jaring sing nduwèni kandel 75 mm kudu awarna putih.

Perlengkapan

• Rakèt

Sacara tradhisional rakèt digawé saka kayu. Sabanjuré saka aluminium utawa logam ringan liyané dadi bahan sing dipilih. Saiki, mèh kabèh rakèt badminton profèsional digawé saka komposit serat karbon (plastik abalung grafit). Serat karbon nduwèni kakuwatan hébat tumrap perbandingan bobot, kaku, lan mènèhi perpindahan energi kinetik sing apik. Nanging, sawetara modèl sing luwih murah isih migunakaké waja utawa aluminium kanggo sebagéyan utawa sakabèhané bahan rakèt.

• Senar

Manawa salah siji saka bagian sing paling diwigatèkaké jroning badminton yaiku senar. Jenis senar béda nduwèni ciri-ciri tanggap sing béda-béda. Awèt orané senar sacara umum uga béda-béda. Akèh-akèhé senar mawa katebalan 21 ukuran lan diuntai kanthi ketegangan 18 nganti 30+ lb. Pilihan pribadi sang pemain nduwèni peran sing utama jroning selèksi senar.

• Kok

Kok iku bal sing dipigunakaké jroning olahraga badminton, kagawé saka rangkaian wulu banyak sing disusun mbentuk kerucut, kanthi pangkal awangun setengah bola sing kagawé saka gabus. Jroning latihan utawa pertandingan ora resmi digunakna uga kok saka plastik.

Induk organisasi

International Badminton Federation (IBF) diadegaké taun 1934 kanthi Inggris, Irlandia, Skotlandia, Wales, Denmark, Walanda, Kanada, Selandia Anyar, lan Prancis minangka anggota-anggota pelopor. India gabung minangka afiliat ing taun 1936. Jroning IBF Extraordinary General Meeting ing Madrid, Spanyol, September 2006, usulan kanggo ngowahi jeneng International Badminton Federation dadi Badminton World Federation (BWF) ditampa déning kabèh 206 delegasi sing rawuh.

Olah raga iki dadi olah raga Olimpiade Musim Panas ing Olimpiade Barcelona taun 1992. Indonésia lan Korea Kidul antuk loro medhali emas taun iku.

Deleng uga

• BWF
• PBSI
• Daftar kejuaraan badminton internasional
• Daftar pemain badminton terkenal
• Teknik Awal Bermain badminton
• Badmini

Pranala jaba

• Badminton World Federation
• Laws of Badminton
• (ing basa Indonésia) PB PBSI
• (ing basa Indonésia) Badminton-Indonesia.com
• (ing basa Indonésia) Bulutangkis.com
• (ing basa Indonésia) RakètBadminton.com Informasi Rakèt dan badminton Indonesia

Galeri

• 
  Rakèt
• 
  Wangun cara njekel Rakèt
• 
  Kok (Shuttlecocks)
• 
  lapangan badminton