Blog

blog saking wordpress

Barkas:Jeffrey Veen on Blogger.jpg

kaca awal blog

Blog cekakan saka tembung "web blog" iku wangun aplikasi web sing arupa tulisan-tulisan (sing diamot minangka posting) ing sawijining kaca web umum. Tulisan-tulisan iki kerep diamot jroning urutan kuwalik (isi paling anyar dumunung ana ing nduwur), senadyan ora kabèh mangkono. Situs web kaya iki biasané bisa diaksès déning kabèh panganggo internèt miturut topik lan angkah saka panganggo blog kasebut.

Sajarah

Istilah "web blog" pisanan digunakaké dening Jorn Barger (Desember 1997).Jorn Barger nggunakaké istilah blog kanggo nyebutake kelompok website pribadi sing di update terus utawa kontinyu lan isiné link marang website liya sing dianggep apik dibarengi komentar-komentare dhewe. Roger Yim, kolumnis saka San Fransisco Gate ngandaraké yen blog kuwi persilangan saka diary wong lan daftar link ing internet. Scott Rosenberg ing kolomé sing ana ing majalah online Salon(Mei, 1999) nyimpulké yen blog kuwi ana ing batesan website sing luwih ana nyawané tinimbang mung kumpulan link, nanging kurang instropektif tinimbang diary sing disimpen ing internét. Blog kaping pisan yaiku kaca Whats New ing browser Mosaic sing digawé dening Marc Andersen tahun 1993. Mosaic yaiku browser kaping pisan sakdurungé ana Internet Eksploler lan Netscape. Januari 1994, Justin Hallmulai websité pribadine, Justin Home Page sing banjur diubah dadi Links from the Underground sing kena disebut blogsaiki. Blog nduweni fungsi akéh, saka dadi catetan saben dina (buku harian), media publikasi ing kampanye politik, tekan program-program media lan perusahaan-perusahaan. Saperangan blog dikelola dening penulis tunggal, lan saperangan liyane dikelola dening penulis kelompok. Akeh weblog sing duweni fasilitas interaksi karo pengunjung liyane, kayata nggunakaké buku tamu lan kolom komentar sing bisa ditulis dening tamu blogger, nanging ana uga blog sing sipaté non-interaktif. Situs-situs web sing siji lan sijine ana kaitane kuwi krana weblog, utawa kumpulan weblog utawa sing asring disebut blogosphere. Yen kumpulan gelombang aktivitas, informasi lan opini sing gedhé banget bola-bali metu kanggo pirang-pirang objek utawa kontroversial banget kedadean ing blogosphere, mula kuwi asring disebut blogstrom utawa badai blog.

Komunitas Blogger

Komunitas blogger yaiku komunitas kang abentuk saka para blogger sing padha daerahé, padha kampusé, padha hobiné lan sakpiturute. Blogger-blogger sing kagabung ing komunitas-komunitas blogger biasané asring nganakaké kegiyatan bareng-bareng kayata kopi darat.

Jinis-jinising Blog

Jinis-jinising blog yaiku:

• Blog Politik : ngemot warta-warta politik, aktivis, lan kabeh persoalan blog.
• Blog Pribadi : uga disebut buku harian (diary) online sing isiné pengalaman pribadi,
• Blog Riset : blog sing bahas persoalan akademis kayata riset paling anyar.
• Blog Bertopik : blog sing bahasé fokus ing bahasan khusus.
• Blog Kesehatan : blog kang bahasé luwih spesifik ing masalah kesehatan.
• Blog Sastra : luwih dikenal litblog (Literaly blog)
• Blog Agama : Blog kang bahasé bab agama.
• Blog Pendidikan : biasané ditulis guru lan wong-wong sing makarya ing pendidikan.
• Blog Bisnis : digunakaké para pebisnis kanggo promosi.
• Blog Hukum : isiné masalah-masalah hukum uga disebut blawgs (Blog laws)
• Blog Media : fokus ing bahasan ora konsistene media massa. Biasané kanggo koran lan jaringan televisi.

Pranala jaba

• (ing basa Indonésia) Apa Itu Blog?
• (ing basa Indonésia) "Full Time Blogger"
• Tabel perbandingan perangkat lunak blog
• Legal Guide for Bloggers
• "Web of Influence", Foreign Policy
• Introduction to Blogging