Brasil

República Federativa do Brasil
Gendéra Aditamèng
Motto: Ordem e Progresso (Orde lan Kemajuan)
Gunagita: Hino Nacional Brasileiro
Kuthagara	Brasília
Patetegadegan	Kamardikaan (dari Portugal)
• Banyu (%)	0,65%
Population
• Pikira-kira 2006 (perkiraan)	188.078.261
IPM	0,792
Artacihna	Real (BRL)

Republik Federal Brasil (basa Portugis: República Federativa do Brasil) kuwi negara paling gedhé lan paling akèh pedunungé ing Amérika Kidul. Negara iki minangka negara paling wétan ing Bawana Amérika lan wewatesan karo Pegunungan Andes lan Samudra Atlantik. Jeneng Brasil dijupuk saka jeneng kayu brasil, sajinis kayu lokal. Brasil dadi panggonan tetanèn ekstensif lan alas udan tropis. Minangka tilas koloni Portugal, basa resmi Brasil yakuwi basa Portugis.

Sajarah

Brasil nggayuh kamardikan saka Portugis ing tanggal 7 September 1822. Negara kang dumunung ing sisih tengah lan wétan Amérika Kidul iki dadi wilayah jajahan Portugis wiwit 1494. Ana ing taun 1889, sistem pamaréntahan Brasil owah saka monarki dadi republik.

Geografi

Brasil diwatesi déning segara ing sisih wétan yaiku Samudra Atlantik. Negara-negara kang wewatesan dharat karo Brasil yakuwi Uruguay, Argentina, Paraguay, Bolivia, Peru, Kolombia, Venezuela, Guyana, Suriname lan département Guyana Perancis; kabèh negara ing Amérika Kidul séjéné Ekuador lan Chili.

Ing bagéan lor Brasil ana Alas Amazon lan tansaya mangidul tansaya kabuka kanthi bukit-bukit lan gunung cilik. Daerah kidul dadi pusat populasi lan agrikultur Brasil. Sawetara pegunungan dumunung ana ing pesisir Samudra Atlantik kang dhuwuré nganti 2.900 meter kanthi pucuk paling dhuwur Pico da Neblina sing dhuwuré 2.994 m. Kali-kali kang ana ing Brasil antara liya Kali Amazon, Paraná, lan Iguaçu kang ana grojogané yakuwi Grojogan Iguaçu.

Iklim Brasil kuwi tropis amarga dumunung ing khatulistiwa kanthi sethithik variasi. Ing sisih kidul, iklimé luwih sedhengan, nanging kadhangkala ngalami salju. Curah udan dhuwur banget ing daerah Amazon, lan daerah kang luwih garing bisa ditemokaké ing daerah wétan-lor.

Kutha-kutha wigati ing Brasil antara liya Brasília, São Paulo, Rio de Janeiro lan Curitiba.

Politik

Konstitusi 1988 mènèhi kakuwasan kang gedhé marang pamaréntah federal. Presiden Brasil nyekel kakuwasan eksekutif kang gedhé kayata nunjuk kabinet, lan minangka kepala negara lan pemerintahan. Presidhèn lan wakil presidhèn dipilih bebarengan jroning pemilihan umum 4 tahun sepisan. Kongres Nasionalé (Congresso Nacional) minangka sawijining badan bikameral kang dumadi saka Senat Federal (Senado Federal) lan Câmara dos Deputados kang kaloroné nduwèni 81 lan 513 kursi kanthi masa jabatan kang béda-béda.

Olahraga

Pan American Games 2007 (Pan American Games ke-15) dianakaké ing Rio de Janeiro, Brasil saka 13-29 Juli 2007.Brasil uga negara kang paling akèh njuarani piala dunia.

Demografi

Basa

Basa resmi Brasil yakuwi basa Portugis kang dipigunakaké déning mèh kabè pedunungé, bab iki béda banget karo negara-negara Amérika Kidul liyané kang nggunakaké basa Spanyol. Basa Portugis minangka sji-sijiné basa kang diajaraké ing sekolah lan dipigunakaké jroning pamaréntahan sarta media. Basa liyané kang digunakaké yakuwi sawetara basa pedunung asli Brasil sarta basa para imigran kayata basa Inggris, Jerman, Italia, Jepang, lan Korea.

Amazon river Wana Tropis ing Brazil

Agama

Pitung puluh papat persèn pedunung Brasil nganut agama Katulik Roma, déné 15,4% nganut Protestan lan terus nambah cacahé. Watara 2,3 yuta (1,3%) pedunungé nganut Spiritisme, paling akèh sadonya. Agama-agama liyané yakuwi agama-agama tradisional Afrika, Yahudi, lan rupa-rupa agama Asia kaya Buddhisme lan Shinto. Udakara 28 èwu wong nganut agama Islam utawa kira-kira 0,01% saka pedunung Brasil. Negara iki minangka negara kanthi penganut Katulik paling akèh ing donya lan penganut agama-agama Asia paling akèhing negeri kulon.

Negara-negara Bagéan

Reca Yesus ing Gunung Corcovado, salah siji saka pitu kaajaiban donya.

Peta Brasil

Negara bagéan lan distrik ing Brasil

Brasil dumadi saka 26 negara bagéan (estado) lan 1 distrik federal (distrito federal):

• Acre
• Alagoas
• Amapá
• Amazonas
• Bahia
• Ceará
• Distrik Federal Brasil
• Espírito Santo
• Goiás
• Maranhão
• Mato Grosso
• Mato Grosso do Sul
• Minas Gerais
• Pará
• Paraíba
• Paraná
• Pernambuco
• Piauí
• Rio de Janeiro
• Rio Grande do Norte
• Rio Grande do Sul
• Rondônia
• Roraima
• Santa Catarina
• São Paulo
• Sergipe
• Tocantins

Delengen uga

• Daftar negara Republik miturut bawana
• Republik
• Kali Amazon
• Alas tropis

Pranala jaba

• Portal resmi
• (ing basa Portugis) Situs Kepresidenan
• Instituto Brasileiro de Geografia e Estatística
• Curitiba Brazil