Pananggalan Grégoriyus

Kalèndher Gregorian iku pananggalan wektu sing paling akèh digunakaké ing Donya Kulon. Kalèndher iki sawijining modhifikasi saka Kalendher Julian. Sing pisan ngusulaké iku ya dhoktor Aloysius Lilius, saka Napoli, Italia lan dituruti déning Paus Gregorius XIII ing titimangsa 24 Februari 1582.

Kalèndher iki digawé amarga Kalèndher Julian digagas kurang akurat, amarga wiwitan musim semi (21 Maret) saya maju dadi, parayan Paskah sing wis disarujuki wiwit Konsili Nicea I ing taun 325 ora tepat manèh.

Banjur ing taun 1582, dina Setu 4 Oktober dituti karo dina Minggu 15 Oktober.

Prabédane karo Kalèndher Julian

Sawijining taun ing Kalèndher Julian suwéné ana 365,25 dina. Ananging amarga puteran bumi sing ngubengi srengéngé suwéné mung 365,2425 dina, mula saben sa-milenium, Kalèndher Julian kaluwihan 7 - 8 dina. Masalah iki dipecahaké carané nambahaké karo dina-dina kabisat sing rada séjé ing kalendher anyar iki. Ing kalendher Julian, saben taun sing bisa dibagi karo 4 dadi taun kabisat. Ananging ing kalèndher anyar iki mung taun sing bisa dibagi karo 100 dianggep taun kabisat, yen taun iki uga bisa dibagi karo 400. Contoné taun 1700, 1800 lan 1900 dudu taun-taun kabisat. Ananging taun 1600 lan 2000 iku taun kabisat.

Masalah anyar

Sawisé Kalèndher Gregorian dicanangaké, ora kabèh negara gelem nganggo. Lagi pirang abad sawisé iki, mèh kabèh negara kulon gelem nganggo. Rusia contoné lagi gelem nganggo ing taun 1918. Dadi Revolusi Komunis Rusia sing saiki diperingati saben 7 November, diarani Revolusi Oktober.

Gereja Ortodoks nganthi saiki isih nganggo Kalender Julian.

Liya-liya

Wiwit tanggal 1 Januari 1622, 1 Januari ditetapaké dadi wiwitané taun. Sadurunge saben negara séjé-séjé.

Sasi-sasi taun

Saben taun dibagi dadi 12 sasi:

No.	Jeneng	Suwene dina
1	Januari	31
2	Februari	28 utawa 29
3	Maret	31
4	April	30
5	Mei	31
6	Juni	30
7	Juli	31
8	Agustus	31
9	September	30
10	Oktober	31
11	November	30
12	Desember	31

Pranala jaba

• FAQ bab kalendher
• Kalendher Abadi

Uga delengen

• 29 Februari