Słubice

Lambang	Peta
Lambang Słubice
Data dasar
Provinsi:	Provinsi Lubusz
Jembar:	185 km²
Pedunung:	16.900 (2004)
Pelat nomor kendaran motor:	FSL
Alamat balé kutha:	ul. Akademicka 1 69-100 Słubice
Situs wèb resmi:	www.slubice.pl
Politik
Walikutha:	Ryszard Bodziacki (2006)

Słubice ([swuˈbiʦɛ], Jèrman: Dammvorstadt) iku sawijining kutha sing papané ana ing sisih kuloné Polandia ing pinggiring kali Oder. Kutha iki nduwé pedunung 16.900 jiwa. Nganti taun 1945, kutha iki bagéyan wétan kutha Frankfurt an der Oder (Dammvorstadt, Gartenstadt). Jeneng Słubice iku éjaan basa Polandia modhèrn kanggo Zliwitz, sawijining désa sing disebut ing piagem kutha Frankfurt sing ditulis ing tahun 1253.

Sithik bab kutha iki

Saiki iki ing kutha Słubice ana pos pawatesan (pos perbatasan) sing wigati dhéwé antara Polandia lan Jerman kanggo montor lan sepur (ing Kunowice, kutha cilik cedhak kéné). Słubice iku uga Pusat Sains Polandia-Jerman Collegium Polonicum. Para tamu saka Jèrman, utamané saka Frankfurt an der Oder, kutha-kutha liyané ing Brandenburg, lan Berlin seneng marani Basar ("Pasar Polandia") lan nukoni rokok sing luwih murah nèng kana (ing dalan ul. Jedności Robotniczej). Nanging para "wisatawan bènsin" uga faktor penunjang ékonomi lokal sing wigati. Saliyané iku prostitusi uga nunjang ékonomi lokal. Akèh bordhil ing kana sing diparani para wisatawan Jèrman.

Gmina

Pamandhangan saka kreteg sing ngliwati kali Oder saka arah Jerman

Tlatah munisipal (Gmina) Słubice ambané ana kurang luwih 185 km² lan pedunungé ana 19.106 jiwa. Ing tlatah iki kalebu antara liya:

• Golice (Gohlitz)
• Kunice (Kunitz)
• Kunowice (Kunersdorf), ing kéné ing 12 Agustus 1759 ana Gègèran ing Kunersdorf.
• Lisów (Leißow)
• Nowe Biskupice (Neu Bischofsee)
• Nowy Lubusz (Neu Lebus)
• Rybocice (Reipzig)
• Słubice (Frankfurt(Oder)-Dammvorstadt)
• Świecko (Schwetig)
• Drzecin (Trettin)

Pranala jaba

• (pl) (de) Situs wèb resmi