Kul

Kebon kol

Kul uga diarani kubis, kobis, kobis bunder. Kul nduwéni jeneng latin Brassica oleracea L. Tanduran iki kalebu kalompok Capitata. Kul dimanfaatké godhongé kanggo sayuran. Godhong kul kasusun urut mbentuk bunderan utawa bunderan kan trepes. Bunderan iki diarani krop, kop utawa kepala déné capitata tegesé berkepala. Kul asalé saka Éropa Selatan lan Éropa Barat. Kol dianggep asil saka pemuliaan kubis liar B. oleracea var. sylvestris.

Jeneng kubis dijupuk saka bahasa Perancis, chou cabus kang tegese kubis kepala. Kol dikenalké wong Eropa kang manggon ing Hindia-Belanda. Jeneng kul dijupuk saka bahasa Belanda kool.

Sauerkraut

Sauerkraut yaiku kol asam. Panganan iki kalebu panganan khas Jerman kang bahan dhasaré digawé saka kul. Sauerkaut digawé saka kul kang diiris alus lan difermentasi karo baktéri asam laktat kang kabentuk nalika gula ing sayuran diferméntasi.

Kena ing Guna

Kul nduwéni khasiat kanggo kaséhatan. Kul bisa kanggo tamba penyakit kulit, tatu utawa nyeri ing kulit amarga dicokot srangga utawa kebakar, jerawat, pecah kulit, bisul, infeksi, lan aboh. Mangan kul mentah kang cacahé 25-30 gram kanggo lalapan utawa digodhog bisa kanggo njaga kaséhatan awak. Kul ngandhut zat aktif kayata sulforafan lan histidine. Zat iki bisa ngalang-alangi thukulé tumor, ncegah kanker lan rektun, detoksikasi senyawa kimia kang mbebayani, kayata kobalt, nikel, tembaga kang luwih ing awak, lan ningkataké daya tahan awak kanggo nglawan kanker. Kol uga ngandhut asam amino lan sulfur kang nduwéni khasiat kanggo ngurangi kolésterol, nenangaké saraf, lan ningkataké energi.