Ilat

Ilat
Ilat manungsa
Pengenal
MeSH	D014059
TA98
TA2	2820
FMA	54640
Terminologi anatomi

Ilat iku kumpulan otot rangka ing bagéyan dhasar tutuk sing bisa mbantu pancernaan panganan kanggo mamah lan ngulu. Ilat minangka indera pangecap sing nduwèni struktur tunas pangecap. Ilat uga mèlu mbantu kanggo wicara.

Struktur liya sing magepokan karo ilat kerep disebut lingual, saka basa Latin lingua utawa glossal saka basa Yunani, γλωσσα.

Struktur

Sebagéan gedhé, ilat kasusun saka otot rangka sing nèmpèl ing balung hyoideus, balung rahang ngisor lan processus styloideus ing balung pilingan. Ana rong jinis otot ing ilat yakuwi otot ekstrinsik lan intrinsik.

Ilat nduwèni lumah sing kasar amarga anané tonjolan sing diarani papila. Ana telung jinis papila yaiku:

1. papila filiformis (fili=benang); awangun kaya benang alus;
2. papila sirkumvalata (sirkum=bumder); awangun bunder, kasusun kaya aksara V ing samburiné ilat;
3. papila fungiformis (fungi=jamur); awangun kaya jamur.

Ana siji jinis papila sing ora ana ing manungsa, yakuwi papila folliata sing ana ing ilat kéwan pangerat.

Tunas pangecap iku bagéan pangecap sing ana ing pinggir papila, dumadi saka rong sèl yaiku sèl penyokong lan sèl pangecap. Sèl pangecap nduwèni fungsi minangka reseptor, déné sèl penyokong nduwèni fungsi kanggo nopang.

Ilat putih

Titik-titik utawa bagéan putih ing ilat bisa dadi tandha-tandha sawetara kondhisi medhis:

• Efek samping saka antibiotik
• Candidiasis
• Debauch
• Dehidrasi
• Leukoplakia
• Keratosis faringis

Deleng uga

• Iler
• Tunas pangecap

Pranala jaba

• Definisi lidah dari Stedman's Online Medical Dictionary, edisi 27