Lambang Polandia

Gendèra Polandia karo lambang negara

Lambang Polandia iku wujudé arupa elang putih ing tamèng alatar abang. Elang iki nganggo makutha lan nduwé cakar serta cucuk werna emas. Ing Polandia, lambang negara biyasané diarani Elang Putih (Orzeł Biały), lan ditulis mawa huruf gedhé.

Legèndha

Sang Elang Putih miturut carita asalé nalika sang pangadeg Negara Polandia, Lech weruh susuh elang putih. Nalika dhèwèké ndeleng manuk iki, ana sunaring srengéngé ing swiwiné, dadi rupané kaya-kaya pucuk-pucuké ana emasé, kamangka bagéyan liyané wernané putih.

Pepirang sajarawan nganggep yèn asalé lambing iki saka lambing Kakaisaran Romawi utawa Kakaisaran Romawi Suci. Lambang Kakaisaran Romawi Suci biyasané elang werna ireng, nanging ana kutha-kutha sing nduwé lambang elang putih kayata Frankfurt am Main lan Schweinfurt.

Sajarah

Elang putih mula-mulané ana ing koin-koin dhuwit sing digawé nalika masa jumenengé ratu Boleslaus, lan wiwitané karepé lambang wangsa Piast.

Przemysł II sing kapisan nepungaké Elang Putih mawa simbul nasional Polandia.

Vèrsi paling anyar lambang iki wiwit ditrapaké ing taun 1927 mawa amandhemèn ing undhang-undhang dhasar Polandia. Ing taun 1945, rejim komunis sing anyar ngilangi makutha saka endhasé elang lan ngganti kembang-kembangan (mbokmenawa ora sengaja) sing mèmper lintang ing pucuké swiwi karo lintang tenanan. Makutha iki dianggep simbul karatonan. Nalika rejim komunis lèngsèr ing taun 1990, vèrsi lambang sing saiki dienggo. Lambang vèrsi iki mèmper karo vèrsi taun 1927, mung rupané luwih modhèrn waé.

Kaum militèr Polandia

• 
  Lambang Angkatan Dharat Polandia
• 
  Lambang Angkatan Segara Polandia
• 
  Lambang Angkatan Udhara Polandia

Lambang-lambang jaman mbiyèn

• 
  Polen-Lituania (1569–1791)
• Kadipatèn Warsawa (1807–1815)
  Kadipatèn Warsawa (1807–1815)
• Lambang Gègèran Januari
  Lambang Gègèran Januari
• 
  Républik Polen
  (1919–1927)
• 
  Républik Polen
  (1927–1939)
• 
  Jaman Komunis (1945–1955)
• 
  Pamaréntah ing Pambuwangan (1956–1990)
• 
  Jaman Komunis (1955–1989)
• 
  Republik Polen (wiwit 1989)