Fatamorgana

Fatamorgana ing padhang pasir

Fatamorgana yaiku salah sawijiné kadadeyan utawa fenomena nalika optik kang biyasané ana ing panggonan kang amba kayata padhang pasir utawa padhang ès.

Umpamané ing gunung pasir, fatamorgana arupa danau utawa banyu utawa kutha. Iki sabeneré ora nyata. Fatamorgana disebabaké pantulan saka langit kang dipantulaké hawa panas. Hawa panas iki gunané kanggo dadi kaca utawa cermin kang mantulaké kahahan ing salah sawijiné panggonan.

Tembung fatamorgana dijupuk saka basa Italia. Tembung iki asalé saka jeneng duluré wedok Raja Arthur yaiku Faye le Morgana. Dhéwéké arupa peri utawa widodari kang bisa malih wujud.

Fatamorgana bisa diarani gambaran kang dibentuk karo hawa utawa udara. Fatamorgana disebabaké amarga selapis udara kang panas lan tipis ing sandhuwuré panggonan, hawa iki nekuk utawa mbengkokake cahya saka langit saéngga katon teka saka dalan. Saka prastawa iki katon kaya pantulan kang katon kaya ana banyu ing sandhuwuré panggonan kang panas. Ora mung ing gunung pasir kang panas, fatamorgana uga kadadéyan ing wajan kang isiné lenga kang panas lan ing dalan kang panas nalika wayah awan. Miturut ilmu fisika, fenoména optik iki kadadéyan amarga cahya kang kuwat dibengkokaké nalika ngliwati lapisan hawa kang nduwéni suhu utawa temperatur kang panas ing lapisan atmosfer. Fatamorgana juga bisa kadadéyan ing kutub. Biyasané kadadéyan nalika kahanan lagi cerah lan hawané rada panas ing lokasi kang ana lapisan ès. Lapisan ès iki marakaké hawa dadi mudhun. Fatamorgana iku ora kadadéyan kang sabeneré mulané fatamorgana uga diarani tipuan mata. Fatamorgana uga ditentokaké karo titik pengamatan. Sangsaya dhuwur titik pengamatan, fatamorgana saya ora cetha. Fatamorgana cetha nalika manggon ing titik pengamatan kang cendhék.Para pelaut biyasané ngerteni pulo kang nglayang ing udara, iki kadadéyan nalika para pelaut ngematna pemandangan laut saka kapal kanthi panggonan kang dhuwuré loro utawa telung métér ing sandhuwuré segara lan uga saka panggonan kang rata.