Samudra Atlantika

Limang samodra ing donya

Samodra Atlantik Samodra Indhi Samodra Kidul Samodra Lor Samodra Pasifik

Samudra Atlantika kuwi samudra paling gedhé kaloro ing donya, nyakup watara 1/5 lumahing bumi. Tembung Atlantik asalé saka mitologi Yunani sing tegesé "Segara Atlas".

Samudra iki awangun aksara S, mujur saka belahan bumi lor tekan belahan bumi kidul, kabagi loro déning garis khatulistiwa dadi Atlantika Lor lan Atlantika Kidul. Diwatesi déning Amérika Lor lan Amérika Kidul ing sisih kulon samudera lan Eropah lan Afrika ing sisih wétan samudra.

Samudra Atlantika kagandhèng karo Samudra Pasifik, ing sisih lor bumi déning Samudra Arktik lan ing sisih kidul bumi déning Lintasan Drake. Hubungan gawéyan manungsa antara Samudra Atlantik karo Samudra Pasifik digawé liwat Terusan Panama. Wates antara Samudra Atlantik karo Samudera Hindia ing sisih wétan, diwatesi ing garis 20° Bujur Wétan. Wates antara Samudra Atlantik karo Samudra Arktik yakuwi garis saka Greenland menyang Svalbard ing sisih lor Norwegia.

Samudra Atlantik katon saka pesisir kulon Irlandia ing dina sing padhang.

Nyakup watara 20% lumahing bumi, Samudra Atlantik dumunung ing urutan kaloro paling gedhé bab ukurané sawisé Samudra Pasifik. Diitung karo segara ing saubengé samudra iki ambané 106.450.000 km²; yèn segara ing saubengé ora diitung, jembaré 82.362.000 km².

Pelabuhan

Abidjan (Pantai Gading), Akra (Ghana), Amsterdam (Walanda), Antwerp (Belgia), Bahia Blanca (Argentina), Baltimore (AS), Banjul (Gambia), Belfast (Britania Raya), Bergen (Norwegia), Betio (Kiribati), Bissau (Guinea-Bissau), Bordeaux (Prancis), Boston (AS), Bremen (Jerman), Brest (Prancis), Bristol (Britania Raya, Buenos Aires (Argentina), Cadiz (Spanyol), Cape Town (Afrika Kidul), Casablanca (Maroko), Cayenne (Guyana Prancis), Charleston (AS), Cherbourg-Octeville (Prancis), Conakry (Guinea), Cork (Republik Irlandia), Cotonou (Benin), Dakar (Senegal), Douala (Kamerun), Dublin (Republik Irlandia), Dunkirk (Prancis), Edinburgh (Britania Raya), Fortaleza (Brasil), Georgetown (Guyana), Glasgow (Britania Raya), Hamburg (Jerman), Halifax (Kanada), Jacksonville (AS), La Coruña (Spanyol), Lagos (Nigeria), Las Palmas (Kapuloan Canary, Spanyol), Le Havre (Perancis), Libreville (Gabon), Lisboa (Portugal), Liverpool (Britania Raya), Lomé (Togo), London (Britania Raya), Luanda (Angola), Malabo (Guinea Ekuatorial), Monrovia (Liberia), Montevideo (Uruguay), Montreal (Kanada), New Haven (AS), New York (AS), Newcastle upon Tyne (Britania Raya), Newport News (AS), Norfolk (AS), Nouakchott (Mauritania), Oslo (Norwegia), Ostend (Belgia), Paramaribo (Suriname), Philadelphia (AS), Port Harcourt (Nigeria), Porto (Portugal), Porto Novo (Benin), Portsmouth (Britania Raya), Portsmouth (AS), Providence (AS), Rabat (Maroko), Recife (Brasil), Rio de Janeiro (Brasil), Rotterdam (Walanda), Salvador (Brasil), Santander (Spanyol), Santos (Brasil), Savannah (AS), Sevilla (Spanyol), Southampton (Britania Raya), Tangier (Maroko), Trondheim (Norwegia), Vigo (Spanyol), Pantai Walvis (Namibia), Wilmington (AS)

Catatan – transportasi

Terusan Kiel lan Terusan Saint Lawrence kuwi rong jalur banyu sing wigati.

Delengen uga

• Samudra Pasifik