UNESCO

Logo UNESCO

UNESCO (singkatan saka United Nations Educational, Scientific and Cultural Organization) utawa Organisasi Pendhidhikan, Èlmu Kawruh, lan Kabudayan PBB arupa badan khusus PBB sing didegaké taun 1945. Tujuan organisasi iki yaiku nyengkuyung katentreman lan kaamanan kanthi mromosikaké tumandang bareng antar negara liwat pendhidhikan, èlmu kawruh, lan budaya sajroning ningkataké rasa silih urmat kanthi lelandhesan marang kaadilan, angger-angger ukum, HAM, lan kabébasan hakiki. (Artikel 1 saka konstitusi UNESCO).

UNESCO duwé anggota 191 negara. Organisasi iki markasé ing Paris, Prancis, kanthi 50 kantor wilayah sarta sapérangan institut lan pusat ing saindhenging donya. UNESCO duwé limang program utama sing diwiyaraké liwat: pendhidhikan, èlmu alam, èlmu sosial lan manungsa, budaya, sarta komunikasi lan informasi. Proyèk sing disponsori déning UNESCO klebu program maca-nulis, tèknis, lan palatihan-guru; program èlmu internasional; proyèk sajarah régional lan budaya, promosi keragaman budaya; tumandang bareng panyarujukan internasional kanggo ngamanaké warisan budaya lan alam sarta njaga HAM; lan nyoba kanggo mbeneraké prabédan digital donya.

Direktur Jendral UNESCO

1. Julian Huxley, Britania Raya (1946–1948)
2. Jaime Torres Bodet, Meksiko (1948–1952)
3. John Wilkinson Taylor, Amérika Sarékat (sauntara 1952–1953)
4. Luther Evans, Amérika Sarékat 1953–1958
5. Vittotino Veronese, Italia (1958–1961)
6. René Maheu, Prancis (1961–1974; sauntara 1962)
7. Amadou-Mahtar M'Bow, Senegal (1974–1987)
8. Federico Mayor, Spanyol (1987–1999)
9. Koïchiro Matsuura, Jepang (1999–saiki)

Pirsanana uga

• Warisan Donya UNESCO
• Karya Agung Warisan Budaya Oral sarta Nonbendawi Manungsa

Pranala njaba

• Situs resmi
• Situs Warisan Donya