Pepindhan

Pepindhan iku unèn-unèn jroning Basa Jawa kang ora ngemu surasa kang sejatiné. Yèn ing basa Indonésia disebut pengandaian. Lumrahé pepindhan nganggo tembung: kaya, lir, pindha, kadya lan liya-liyané kang ngemu karep kaya. Pepindhan asring dipigunakaké ing pacelathon padinan, panyandra jroning adicara pengantènan utawa jroning babagan sastra.

Tuladhané Pepindhan

• A

1. Abange kaya godhong katirah
2. Ali-aliné nggunung sapikul
3. Ayune kaya dewi Ratih

• B

1. Baguse kaya Bathara Kamajaya tumurun
2. Bedane kaya bumi karo langit
3. Bebetane ngandhal melet

• C

1. Cahyane bingar kaya lintang johar
2. Cep klakep kaya orong-orong kepidhak
3. Cethile kaya Cina craki

• D

1. Dalane mbathok mengkureb
2. Dedege ngringin sungsang
3. Dhuwure kaya othak-othak mega

• G

1. Galake kaya macan manak
2. Gelunge ngadhal menek
3. Gendhewane awangun kadhal meteng

• I

1. Ijo kumpul padha ijo kaya bethet sayuta
2. Ireng kumpul padha ireng kaya gagak reraton

J

1. Jogede kaya merak kalohsimpir
2. Jogede kaya mucang kanginan

K

1. Kenese kaya Dewi Banowati
2. Kesite kaya laler
3. Kuning kumpul kuning kaya podhang reraton

• L

1. Lakune kaya macan luwe
2. Lambeyane mblarak sempal
3. Lelewane milangoni

• M

1. Mantu mbata rubuh
2. Mlakune ngodhok
3. Mundur mungkur gangsir

• N

1. Nangise ngorong-orong
2. Nyengite kaya dhemit

• O

1. Omahe awangun glathik mungup
2. Omahe awangun klabang nyandher

• P

1. Padhange kaya rina
2. Pintere kaya bisa njara langit
3. Polahe kaya gabah diinteri

• R

1. rarane nggeger sapi
2. Rikate kaya angin]
3. Rukune kaya mimi lan mintuna

• S

1. Sambate kaya grantang
2. Suguhane mbanyu mili
3. Sumbare kaya bisa mutung wesi gligen

• T

1. Tandhange cukat kaya jangkrik mambu kili
2. Tekade kaya geni lan urupe
3. Tulisane mbata sarimbag

• U

1. Utange nyundhul empyak
2. Utange turun usuk

• W

1. Wangsulane saur manuk
2. Wrangkane gayaman

Delengen uga

• Panyandra
• Purwakanthi
• Paramasastra