Avertebrata

Srangga iku salah siji conto invertebrata.

Invertebrata utawa Avertebrata iku sawijining istilah sing dipatrapaké déning Chevalier de Lamarck kanggo nuduhaké sato kéwan sing ora ndarbèni balung mburi. Invertebrata nyakup kabèh kéwan kajaba kéwan vertebrata (pisces, reptil, amfibia, manuk, lan mammalia. Conto invertebrata yakuwi srangga, ubur-ubur, hydra, cumi-cumi, lan cacing. Invertebrata nyakup watara 97 persèn saka kabèh anggota kingdom Animalia.

Lamarck mérang invertebrata jroning rong klompok yaiku Insecta (srangga) lan Vermes (cacing). Nanging saiki, invertebrata diklasifikasèkaké jroning luwih saka 30 sub-fila wiwit saka organisme sing simpel kaya porifera lan cacing pipih nganti organisme sing luwih komplèks kaya mollusca lan arthropoda.

Panelitèn luwih adoh ngenani taksonomi nuduhaké yèn akèh kéwan invertebrata sing kerabat luwih cedhak karo vertebrata tinimbang karo padha-padha invertebrata.