Lètnan Jéndral

Pangkat Lètnan Jènderal

Lètnan Jènderal (sering dicekak Letjen) iku sawijining pangkat perwira tinggi militèr sing dipigunakaké ing akèh negara minangka pangkat jènderal mawa bintang telu. Istilah lètnan jènderal asal saka Abad pertengahan nalika pangkat Lètnan Jènderal minangka wong kaloro sing nyekel komando ing lapangan tempur, biasané ana ing sangisoré Kaptèn Jènderal.

Lètnan Jènderal iku pangkat sing tatarané sak tingkat sangisoré pangkat Jènderal, lan sak tingkat sadhuwuring Mayor Jènderal. Lètnan luwih dhuwur tinimbang mayor amarga asal usul pangkat Mayor Jènderal asal saka istilah Sersan Mayor Jènderal; Lètnan luwiih dhuwur tinimbang Sersan Mayor.

Ing sawetara negara Eropah Wétan, kaya Rusia, pangkat Lètnan Jènderal minangka pangkat jènderal mawa bintang loro, déné pangkat jènderal mawa bintang telu iku Kolonèl Jènderal.

Lètnan Jènderal ing TNI

Tandha pangkat sing dipigunakaké ing sandhangan dines padinan

Pangkat Lètnan Jènderal dianggo minangka pangkat perwira tinggi mawa bintang telu. Dipigunakaké mung déning TNI-AD, jabatan sing disandhang déning pangkat iki antara liya Panglima Kostrad sarta KSAD (Lètjen senior).

Perwira tinggi mawa bintang telu ing TNI-AL disebut Laksamana Madya lan ing TNI-AU Marsekal Madya.

Deleng uga

• Jènderal
• Tandha pangkat Angkatan Dharat
• Tandha Kepangkatan TNI
• TNI Angkatan Dharat