Mantri

Mentri (Basa Indonesia: Menteri, basa Inggris: minister) iku pulitikus sing nyekel sawijining jabatan publik siginifikan jroning pamaréntah. Mentri biasané mimpin sawijining kementrian lan minangka anggota saka sawijining kabinet, sing umumé dipimpin déning raja/ratu, gubernur jenderal, presidhèn, utawa perdana mentri.

Asal istilah

Istilah minister minangka sawijining frase basa Inggris tengahan, diturunaké saka basa Perancis tuwa ministre, asal saka basa Latin minister sing tegesé "pembantu" . Ing sawetara negara (kaya Amérika Sarékat, Britania Raya, Hong Kong, lan Filipina), mentri disebut sekretaris (secretary).

Pangangkatan

Jroning sistem pamaréntahan parlementer, utamané sing migunakaké sistem Westminster, kaya Britania Raya, Kanada, lan Australia, mentri dipilih saka badan legislatif. Jroning sistem presidensiil kaya ing Amérika Sarékat, Meksiko, lan Indonesia, mentri diangkat déning presidhèn, lan ora kudu tansah saka badan legislatif.

Mentri ing Indonesia

Ing Indonesia, mentri iku pembantu presidhèn sing mimpin kementrian. Saben mentri mbidangi urusan tinamtu jroning pamaréntahan. Mentri ing Indonesia bisa dibédakaké dadi:

• Mentri koordinator
• Mentri departemen
• Mentri negara

Deleng uga

• Kementrian