Jakartah

Daerah Khusus Ibukota Jakarta

(Lambang DKI Jakarta)
Motto: "Jaya Raya" (Basa Indonesia): "Jaya lan Agung"
Dina dadi	22 Juni 1527
Ibu kutha	Jakarta
Gubernur	Fauzi Bowo
Wilayah  - Total:	740,28 km²
Daerah Tk. II  - Cacah:	5 Kotamadya lan 1 Kabupatèn
Pedunung  - Total (2004):  - Kapadhetan:	8.792.000 16.667/km²
Suku bangsa	Betawi (+/-10%), Jawa, Sundha, Tionghoa (10%), dll.
Agama	Islam, Kristen, Buddha, dll.
Basa	Indonesia, Betawi, Jawa, Sundha, dll.
Zona wektu	(WIB)
Maskot	Elang Bondol
Lagu kedaerahan	tidak ada

Jakarta punika ibukitha negari Républik Indonesia lan kitha ing pulo Jawi ingkang paling ageng. Jakarta kagungan pedunung cacahipun 10 yuta jiwa. Nanging wonten ing tlatah Jakarta Raya utawi Jabotabek cacahipun pedunung langkung saking 17 yuta.

Jakarta ugi naté dipun wastani Sundha Kelapa, Jayakarta, Jacatra, Batavia lan Betawi. Sanèspun kitha, Jakarta punika ugi satunggiling provinsi Indonesia.

Dasar hukum tumrap DKI Jakarta inggih punika Undhang-Undhang Republik Indonesia Nomer 29 Taun 2007, perkawis Pemerintahan Provinsi Daerah Khusus Ibukota Jakarta minangka ibukitha Negara Kesatuan Republik Indonesia. UU punika nggantosaken UU Nomer 34 Taun 1999 perkawis Pemerintahan Provinsi Daerah Khusus Ibukota Negara Republik Indonesia Jakarta sarta UU Nomer 11 Taun 1990 perkawis Susunan Pemerintahan Daerah Khusus Ibukota Negara Republik Indonesia Jakarta ingkang kalih-kalihipun sampun boten ka-anggé malih.

Jakarta gadhah status satingkat provinsi lan dipunpimpin déning satunggiling gubernur. Bènten kaliyan provinsi sanès, Jakarta namung anggadhahi pamérangan ing sangandhapipun arupi kitha administratif lan kabupatèn administratif, ingkang maknanipun boten gadhah perwakilan rakyat piyambak. Kanthi makaten, DKI Jakarta namung gadhah DPRD Provinsi lan mboten gadhah DPRD Kabupatèn/Kitha.

Daftar Daérah Tingkat II

• Jakarta Lor (Kitha Administratif Jakarta Lèr)
• Jakarta Kulon (Kitha Administratif Jakarta Kilèn)
• Jakarta Pusat (Kitha Administratif Jakarta Pusat)
• Jakarta Wétan (Kitha Administratif Jakarta Wétan)
• Jakarta Kidul (Kitha Administratif Jakarta Kidul)
• Kabupatèn Kapuloan Seribu (Kabupatèn Administratif Kepuloan Sèwu)

Pranala jawi

• Situs resmi Pamaréntah DKI
• Situs Dinas Kependudukan dan Catatan Sipil DKI

Péta Jakarta