Nusantara

Nusântara, utawa sok-sokan tinulis Nuswantara ing basa Jawa, iku sawijining konsèp politik. Tembung iki kabangun saka rong tembung nusa(pulo) lan antara(liya). Ing konsep kanagaran Jawa, praja Karaton dibagi dadi telu:

1. Nagara Agung
2. Mancanegara
3. Nusantara

Nagara Agung iku tlatah saubenging ibukutha Karaton panggonané sang Raja maréntah. Mancanegara iku tlatah-talatah ing tanah Jawa lan saubengé sing budayané isih mèmper Nagara Agung, ing panggonané wis ing "pinggiran". Dideleng saka pojok ndeleng iki, Madura lan Bali iku tlatah "mancanegara". Saliyane iku Lampung lan uga Palembang mbokmenawa isih bisa diarani "mancanegara".

Banjur Nusantara iku tlatah sajabané pangaribawa budaya Jawa, anging (kadhang kala) isih diklaim dadi dhaérah jajahan nèng endi para paguwasane kudu mbayar upeti.

Ing kanggonan basa modèrn, tembung "Nusantara" biasané ngarani kapuloan Asia Kidul-Wetan utawa tlatah ing ngendi budaya lan basa Austronesia dilestarèkaké. Dideleng saka pojok deleng iki, Malaysia, Filipina lan mbok menawa Taiwan uga kalebu tlatah Nusantara banjur Papuwa dudu maneh.

Uga delengen

• Aksara Nusantara
• Prasasti Nusantara