Wlahar

Lahar iku aliran material vulkanik sing biasané arupa campuran watu, pasir lan krikil amarga anané ilining banyu sing dumadi ing èrèng-èrènging gunung (gunung berapi). Ing Indonesia, aliran lahar iki bakal terus tambah prilakuné bebarengan karo udan sing sansaya asring.

Ilining lahar kuwi ndrawasi utamané kanggo penduduk sing manggon ing èrèng-èrènging gunung utawa kanggo para juru tambang pasir sing ana ing laladan ilining lahar iku liwat. Lahar bisa mili banter puluhan mèter per detik nganti sawetara kilomèter nggawa ènergi sing cukup gedhé. Mula saka kuwi, umumé lahar digawékaké saluran khusus sing miturut ilmu geoteknik kasebut "sabo".

Sawetara gunung ing Indonesia nduwé aktivitas ilining lahar iki, yaiku Gunung Galunggung ing Jawa Kulon lan Gunung Merapi ing Jawa Tengah/Yogyakarta.

Delengen uga

• Lava