Kulit

Diagram kulit manungsa.

Kulit iku lapisan paling njaba ing awak manungsa. Kulit pérang dadi telung bagéan: bagéan paling njaba disebut epidermis, bagéan tengah mesodermis, lan bagéan njero dermis. Kulit sensitif banget saka pangaruh lingkungan sakitar, kaya panas srengéngé, lebu, lan asep knalpot.

Kulit disebut uga indra peraba amarga akèh banget pucuk-pucuk saraf sing peka saka sentuhan, tekanan, lan rabaan. Kulit bisa nampa rangsangan panas, adhem, alus, kasar, loro utawa nyeri lan liya-liyané. Pucuk-pucuk saraf panampa rangsangan utamané ana ing lapisan malphigi kulit lan ana uga ing alat-alat sing ana ing njeron awak. Bagéan kulit sing paling peka yaiku bagéan sing paling akèh pucuk-pucuk sarafé, kaya ing pucuk driji, tlapak tangan, tlapak sikil, lamb élan kiwa-tengené gulu.

Kulit uga minangka alat pambuwangan utawa ekskresi amarga ngandhung kelenjar kringet.

Gangguan lan penyakit kulit ing antarané jerawat, panu utawa kurap, rangen, bisul nanah (abses) lan liya-liyané.