Batangan, Pathi

Kecamatan Batangan iku salah siji kecamatan ing kabupaten Pathi, provinsi Jawa Tengah, Indonésia. Kecamatan Batangan dumunung ana ing sisih paling wétan seka wilayah Kabupaten Pathi. Arupa sawijining kecamatan ing Kabupaten Pathi kang ana ing pinggir segara Jawa. Biyén, kecamatan iki kelebu wilayahé kawedanan Juwana.

Geografi

Jembar wilayah daratané kecamatan Batangan mung 5.066 ha (50,66 km²). Kanthi jembar wilayah iki, kecamatan Batangan dadi kecamatan ing kabupaten Pathi kang wilayahé paling ciut nomer kaping lima sakwisè kecamatan Pathi, kecamatan Wedarijaksa, kecamatan Trangkil lan kecamatan Tayu.

Watesé wilayah Kecamatan Batangan yaiku:

• Sisih lor wewatesan karo segara Jawa.
• Sisih wétan wewatesan karo Kecamatan Kaliori Kabupaten Rembang.
• Sisih kidul wewatesan karo Kecamatan Jaken.
• Sisih kulon wewatesan karo Kecamatan Juwana.
• Ing sisih wétan wewatesan karo kali Randugunting kang memisahaké Kabupaten Pathi karo Kabupaten Rembang.

Desa-Desa

1. Batursari
2. Bulumulyo
3. Bumimulyo
4. Gajahkumpul
5. Gunungsari
6. Jembangan
7. Kedalon
8. Ketitangwetan
9. Klayusiwalan
10. Kuniran
11. Lengkong
12. Mangunlegi
13. Ngening
14. Pecangaan
15. Raci
16. Sukoagung
17. Tlogomojo
18. Tompomulyo

Demografi

Penduduk kecamatan Batangan cacahé 40.799 jiwa (taun 2006) kang rata-rata urip seka nyambut gawé dadi petani, petani tambak dan nelayan.

Pranala jaba

• Situs web resmi Kabupaten Pathi

Pendidikan

Kecamatan Batangan duwéni maneka werna sekolahan, yaiku:

• SD cacahé 27 iji (kabeh SD Negeri)
• MI cacahé 4 iji , yaiku:

• MI Al ‘Asy’ari Kuniran
• MI Miftahul Huda Tlagamaja
• MI Misbahul Falah Klayusiwalan
• MI Tarbiyatul Islamiyah Lengkong

• SMP cacahé 3 iji , yaiku:

• SMP Negeri 1 Batangan
• SMP Negeri 2 Batangan
• SMP Terbuka

• MTs cacahé 3 iji , yaiku:

• MTs Misbahul Falah Klayusiwalan
• MTs Tarbiyatul Islamiyah Lengkong
• MTs Tarbiyatul Islamiyah Lengkong

• SMA cacahé siji, yaiku SMA Negeri Batangan

---

Bali menyang: Kabupaten Pathi