Bèg

Jroning olahraga bal-balan, Bèk kuwi pamain sing posisiné ana ing mburi para gelandang lan tugasé ndhukung marang tugas Kiper kanggo nyegah supaya bal ora mlebu gawang.

Ana sawetara jinis bèk, yakuwi: bèk tengah, bèk sayap (full back/wing back), lan libero (sweeper). Para bèk umumé awaké gedhé lan rosa, lan biasané dedegé uga dhuwur, senadyan ana uga bèk sing dedegé cendhèk nanging suksès (biasané bèk sayap sing ora pati mbutuhaké dedeg sing dhuwur). Kabèh bèk kudu pinter main tèkel (tackle) lan perlu nduwèni keahlian panguwasaan bal sing cukup apik.

Para bèk biasané njaga ing paruh lapangan dhéwé. Bèk sing dhuwur kadhang maju mangarep menyang kothak penalti tim mungsuh wektu tim-é ngayahi tendhangan pojok utawa tendhangan bébas awit ana kamungkinan nyétak gol kanthi sundhulan sirah.

Sawetara bèk misuwur

• Tony Adams
• Franz Beckenbauer
• Cafu
• Fabio Cannavaro
• Roberto Carlos
• Ivan Cordoba
• Marcel Desailly
• Rio Ferdinand
• Hong Myung-Bo
• Paolo Maldini
• Alessandro Nesta
• Jaap Stam
• Lilian Thuram

Delengen uga

• Posisi jroning bal-balan