Gurung

Bagan panggonan esofagus menungsa, disawang saka mburi

Kerongkongan utawa Esofagus (saka basa Yunani: οiσω, oeso - "nggawa", lan έφαγον, phagus - "mangan") iku tabung (tube) otot vertebrata kang diliwati wektu panganan mili saka bagéyan tutuk tumuju lambung. Panganan mlaku ngliwati esofagus kanthi nggunaaké prosès peristaltik.

Esofagus nyambung karo faring – kang nyambungaké esofagus karo rongga tutuk – ing ros nomer 6 balung mburi. Miturut histologi, esofagus dibagi dadi telung bagéyan: bagéyan superior (sabagéyan gedhé iku otot balung), bagéyan tengah (campuran otot balung lan otot alus), sarta bagéyan inferior (kang utamané saka otot alus).