Pizza

Pizza

Pizza sing dibakar sajeroning oven mawa bahan bakar kayu

Pizza iku panganan sing asalé saka Italia. Panganan sing dibakar iki mèmper roti awujud pipih lan dhuwuré racaké didokoki barang-barang liya sing diarani topping ing basa Inggris. Topping dhasar racaké saus tomat lan kéju. Sawisé iku bisa diwèhi topping liyané kaya ta daging lan sayuran.

Pizza racaké ana rong modèl: pizza Italia lan pizza Amérika. Pizza Italia luwih tipis kamangka pizza Amérika luwih kandel.

Pizza dipangan panas-panas. Kerep dipangan karo sambel utawa saus Tabasco. Ing Tanah Jawa, jaman saiki uga akèh wong sing seneng pizza. Tembung "pizza" dijupuk saka basa Italia pizza (Alfabet Fonetik Internasional / International Phonetic Alphabet, IPA: [ˈpiːtsə]), racaké duwé teges "pai, kue, tart". Akèh sing kliru ngira yèn pizza iku asal saka tembung Italia sing tegesé phai (pie).

Pizza Italia

Pizza asli asal saka Italia sing bisa tinemu ing Pizzeria (toko Pizza) saben porsi pizza ukurané kira-kira 30 cm utawa luwih, kanthi adonan sing wis ditarik tipis. Salah siji wewadi kalezatan Pizza Italia ya iku prosès pamanggangané sing nganggo oven tradhisional nganggo geni. Bab iki amarga yèn dipanggang nganggo oven listrik, lumrahé adonan pizza tipis bakal dadi atos.

Uga delengen

• Pizza gorèng

Pranala njaba

• Pizzas-Recipes
• Recipes-Dessert pizzas
• Dessert Pizzas-Recipes
• Pizza Sauce Recipe
• Associazione vera pizza napoletana — US Chapter
• A more in-depth history of the Pizza
• Lombardi's Pizzeria in New York City, America's oldest Pizzeria
• For the Pizza Makers of Naples, a Tempest in a Pie Dish by Al Baker
• Encyclopizza - The Guide to Preparing Great Pizza
• Pizza recipe with step-by-step illustrated instructions
• Basic Pizza Dough Home made pizza dough with step-by-step illustrations and short movie.