Universitas Loyola Marymount

Loyola Marymount University
Diadegaké	1911
Jenis	Swasta
Dana abadi	USD 500 juta
Presidhèn	Rev. Robert B. Lawton, SJ, PhD.
Sarjana	5,465
Magister	3,082
Kampus	Urban, 150 ha)
Lokasi	Los Angeles, California, AS
Warna	Merah kardinal dan biru laut
Maskot	Lions
Situs web

Loyola Marymount University (LMU) inggih punika universitas swasta Yesuit Katulik di Los Angeles, California, Amérika Sarékat. Universitas punika minangka salah satunggal saking 28 perguruan tinggi ingkang kagabung wonten ing the Association of Jesuit Colleges and Universities (Asosiasi Kolese lan Universitas Jesuit Amérika Sarékat) lan minangka satunggali ing antawising 5 perguruan tinggi Marymount. LMU jumeneng nalika taun 1973 sasampuning kagbunging Marymount College lan Loyola University wonten ing Los Angeles.

Kampus

Sesawangan Bluff

Xavier Hall

LMU dumunung wonten ing nginggil bukit ingkang wiyaripun 150 hèktar ing kawasan Westchester, ing sisih kilèn Los Angeles, dumunung wonten ing perbukitan Del Rey Hills. Wiyaripun lemah aslinipun 99 hèktar minangka sumbangan saking Harry Culver, satunggaling pangusaha real estate. Xavier Hall, ingkang dipunsukani nama saking nama Santo Fransiskus Xaverius, S.J., salah satunggaling kanca Santo Ignatius Loyola, S.J., lan St. Robert's Hall, ingkang dipunsukani nama saking nama Santo Robert Bellarmine, S.J., satunggaling tiyang kardinal lan Dhoktor Gréja, inggih punika 2 yasan pisanan ingkang dipunyasa wonten ing aréa kampus Westchester wekdal punika. Sasampuning pungkasan dipunyasa wonten ing taun 1929, Xavier Hall dipunpapani déning para dhosèn Jesuit lan para mahasiswa nalika wekdal St. Robert's Hall dipun-ginakaken minangka gedung akademis lan administratif.

Sacred Heart Chapel (Kapel Hati Kudus) lan Regents Bell Tower inggih punika yasan kampus non-residensial ingkang dipunyasa (1953-1955). Malone Student Center, dipunsukani nama saking nama Lorenzo M. Malone, S.J., satunggaling alumnus universitas lan mantan Dekan lan Bendahara Universitas, dipunpungkasaken taun 1958 lan dipunrénovasi nalika taun 1996. LMU wekdal punika kagungan 36 fasilitas akademis, atletik, administratif lan event kejawi 12 gedung perumahan mahasiswa lan 6 komplèks apartemèn ing aréa kampus.

Kampus Westchester sapunika ugi kagungan 2 lapangan suket ingkang wiyar ingkang sanès fasilitas olah-raga. Alumni Mall lan Sunken Gardens nyamektakaken sesawangan kampus ingkang éndah ingkang sampun samekta kaliyan sesawangan sadaya wewengkon pasisir Los Angeles, Marina del Rey, Playa Vista, Playa del Rey lan Lautan Pasifik.

University Hall

Sculpture Gardens

Akuisisi pihak universitas saking yasan University Hall wonten ing taun 2000 nyiptakaken gerbang mlebet kampus énggal, kejawi ruang kantor lan kelas ingkang dipunbetahaken sanget. University Hall inggih punika sawijining fasilitas ingkang unik kanggé sawijining institusi akademis: yasan punika aslinipun dipunyasa kanggé parusahan Hughes Aircraft minangka kantor pusatipun lan ngéwahi saking fasilitas parusahan ingkang eksklusif dados sawijining yasan ingkang nunjang pagesangan akademis. LMU pikantuk yasan wiyaripun 1.000.000 mèter persegi punika ing sasi Januari 2000 saking Raytheon ingkang tumbas Hughes Aircraft. LMU mungkasaken penataan ulang interior ruangan ingkang wiyaripun 250.000 mèter persegi ing sasi April 2001. Wangunan punika, ingkang dipundunungi déning Bellarmine College of Liberal Arts, dipunyasa kanthi konstruksi baja lan beton, lan wonten 7 lanteing nginggil lemah. University Hall kagungan langkung saking 500.000 mèter persegi ruangan lan saged nampung langkung saking 1000 papan kanggé parkir wonten ing 3 tingkat parkir ngandhap lemah. Ruang atrium wiyaripun 70.000 mèter persegi sapunika dipun-ginakaken minangka papan kanggé manéka event LMU.

Princeton Review dèrèng dangu punika dunungaken LMU minangka universitas ingkang kagungan kampus paling éndah kaping 7 ing wewengkon Amérika Sarékat. CampusSqueeze college e-zine ranked LMU as having the 3rd most beautiful campus in America.