Padunung

Dalan kang kebak sing ndunungi Jepang, nagara kanthi kapadhetan sing ndunungi sing dhuwur banget

Proyeksi tuwuhing sing ndunungi donya abad iki

Padunung sawijining nagara utawa laladan bisa dipérang dadi rong pangertèn:

• Wong sing manggon ing laladan mau
• Wong sing kanthi ukum duwé hak manggon ing laladan mau, utawa duwé surat resmi kanggo manggon ing kana, nanging milih manggon ing laladan liya.

Sajeroning èlmu sosiologi, sing ndunungi ya iku kumpulan manungsa kang ngenggoni wewengkon géografi lan ruwang tinamtu.

Masalah-masalah bab sing ndunungi disinaoni ing èlmu Dhémografi. Manéka warna aspèk perilaku manungsa disinaoni ing sosiologi, ékonomi, lan géografi. Dhémografi akèh dianggo ing babagan pemasaran, sing gegandhèngan raket karo unit-unit ékonomi, kaya déné pengècèr nganti pelanggan potensial.

Kapadhetan sing ndunungi

Tuwuhing sing ndunungi luwih dhuwur ing nagara tumuwuh (abang) katimbang ing nagara maju (biru)

Kapadhetan sing ndunungi diitung kanthi: mara cacahing sing ndunungi karo jembar wewengkon sing dipanggoni.

Sawetara pengamat masarakat percaya yèn konsèp kapasitas amot uga lumaku sajeroning nyinaoni bab sing ndunungi bumi, ya iku sing ndunungi sing ora kakontrol bisa njalari katastrofi Malthus. Sawetara pengamat liyani ora percaya marang panemu iki. Grafik ing ngisor nuduhaké mundhaké logistik sing ndunungi.

Nagara-nagara cilik lumrahé duwé kapadhetan sing ndunungi paling dhuwur, ing antarané: Monako, Singapura, Vatikan, lan Malta. Nagara gedhé sing duwé kapadhetan sing ndunungi dhuwur antarané Jepang lan Bangladesh.

Padunung donya

Populasi donya 1950-2011

Cepeting tuwuh 1950-2010

Adhedhasar èstimasi kang ditrebitkan déning Biro Sensus Amérika Sarékat, sing ndunungi donya ngancilk angka 6,5 milyar jiwa ing tanggal 26 Fèbruari 2006 jam 07.16 WIB. Saka watara 6,5 milyar sing ndunungi donya, 4 milyar ing antarané manggon ing Asia. Pitu saka sepuluh nagara kanthi sing ndunungi paling akèh ing donya dumunung ana ing Asia (sanadyan Ruslan dumunung ing Éropah). Ing ngisor iki peringkat nagara-nagara ing donya adhedhasar cacahing sing ndunungi (2005):

1. Républik Rakyat Tiongkok (1.306.313.812 jiwa)
2. India (1.103.600.000 jiwa)
3. Amérika Sarékat (298.186.698 jiwa)
4. Indonésia (241.973.879 jiwa)
5. Brasil (186.112.794 jiwa)
6. Pakistan (162.419.946 jiwa)
7. Bangladesh (144.319.628 jiwa)
8. Ruslan (143.420.309 jiwa)
9. Nigeria (128.771.988 jiwa)
10. Jepang (127.417.244 jiwa)

-->

Réferènsi

• Proceedings of the United Nations Expert Meeting on World Population to 2300

Pranala njaba

• Phishare.org
• Population Reference Bureau
• Populationworld.com
• Divisi kependudukan PBB
• Biro Sensus AS - Daftar nagara ing donya miturut cacahing padunung
• PopulationData.net - Informasi lan peta penduduk dunia
• World Population Clock - Sensus padunung AS
• (ing basa Prancis) WorldPopClock.com