UNDP

United Nations Development Programme (UNDP) utawa Badan Program Pangyasa PBB (Basa Arab: برنامج الامم المتحده الانماءي, Basa Prancis: Programme des Nations Unies pour le développement, Basa Spanyol: Programa de désarrollo de Naciones Unidas) iku organisasi multilateral kang gedhé dhéwé mènèhi bantuan teknis lan pangyasa ing donya.

Nduwèni kantor punjer ing New York City la uga minangka organisasi gedhé dhéwé sajeroning Perserikatan Bangsa-Bangsa. Organisasi iki dibiayai déning donor. Donor-donor iki lumrahé mbiyantu nyediaké ahli lan penaséhat, pelatihan, lan perlengkapan pangyasa kanggo nagara tumuwuh, kanthi nambah bantuan kanggo nagara tumuwuh

Sajarah

UNDP diyasa ing taun 1965 minangka penggabungan rong organisasi sadurungé (Program Bantuan Teknis PBB lan Program Dana Khusus PBB). Organisasi iki disawang minangka organisasi kang nglakokaké tugas pokok PBB saliyané minangka perdamaian lan kaamanan donya.

Kauangan

Total dana Operasional PBB nganti taun 2004 ya iku watara $ 4 milliar (setara Rp. 36.900.000.000.000 'Telung puluh enem triliun sangang atus milyar rupiah', ya iku yèn 1$ = Rp. 9.225)

Donor (Bantuan)

Nagara donor gedhé dhéwé ya iku Amérika Sarékat, nyumbang $ 243 yuta, nuli Karajan Manunggal, kang nyumbang $ 233 yuta menyang UNDP. Jepang, Walanda, Nurwègen lan Swedia nyumbang punjul $ 100 yuta. Sauntara, Uni Éropah nyumbang punjul $921 yuta ($ 226 yuta asal saka Komisi Éropah lan sisané asal saka nagara-nagara anggota Uni Éropah.

Informasi Umum

Kaanggotaan

UNDP nduwé anggota luwih kurang 166 nagara ing donya, nyambut gawé bebarengan karo bantuan pamaréntah lan LSM lokal.

Fungsi

Fungsi umum UNDP, antarané:

• Mujudaké dhémokrasi sajeroning sawijining nagara
• Penanggulangan kamiskinan
• Mbantu nagara kanggo bangkit saka keterpurukan
• Perluasan Energi lan Kaseimbangan Lingkungan
• Penanggulangan HIV/AIDS

Uga delengen

• Perserikatan Bangsa-bangsa

Pranala njaba

• Situs Resmi UNDP
• Situs Resmi UNDP Basa Indonesia
• Global Embassy
• Official UNDP web site
• U.S. Committee for the UNDP web site
• UNDP for Beginners: a short, comprehensive introduction to the UNDP; an updated, second edition from June 2006 is now available online
• Official UNDG web site
• Declaration on Social Progress and Development
• Palgrave Macmillan, official publisher of the Human Development Report 2006
• Interactive maps

Organisasi Internasional