Meester in de Rechten

Meester in de Rechten (dicekak Mr.) iku sawijining sesebutan sing digayuh sawisé sadhengah wong ngrampungaké pasinaon sajeroning èlmu ukum ing sawijining universitas sing mganut sistem ing Walanda lan Bèlgi. Sajeroning basa Walanda, sesebutan iki maknané "Magister sajeroning èlmu ukum". Sajeroning praktèk sadina-dina sesebutan iki biyasa dicekak dadi Meester, kaya contoné "Meester Moh. Yamin" utawa "Meester Cornelis". Panulisan sesebutan iki biyasa dicekak dadi Mr. lan ditulis ing sangarepé jeneng.

Ing Walanda lan ing Indonésia, nalika sistem pendhidhikan isih diprebawani déning sistem Walanda, sesebutan "Mr." iki setara karo gelar S-2 (magister), kaya contoné sesebutan MA sajeroning èlmu Hukum (LLM) ing nagara-nagara abasa Inggris.

Ing Indonésia sawisé jaman kamardikan, sesebutan iki diganti dadi Sarjana Hukum sing kurang luwih bisa dianggep pertalan bébas sesebutan sajeroning basa Walanda iki. Bédané ya iku ing Indonésia, sesebutan iki ditulis sawisé panulisan jeneng, lan drajadé mudhun dadi sesebutan S-1.

Tokoh nasional

Sawetara tokoh nasional Indonésia sing duwé sesebutan iki, antarané:

• Achmad Soebardjo
• Amir Sjarifoeddin
• Assaat
• Kasman Singodimedjo
• Mohamad Roem
• Moh. Yamin
• Sjafruddin Prawiranagara