Oséania

Péta kawasan Oseania

Oseania punika nami "bawana" ingkang kaginaaken kanggé golongan kepuloan ingkang wonten ing Samodra Pasifik. Oseania punika bawana kanthi wiyar dharatan paling alit lan cacahipun populasi paling alit nomer kalih sasampunipun Antartika.

Ing artosan sempit (ingkang sepisanan kadhefinisi panjlajah saking Prancis kanthi asma Jules Dumont d'Urville ing taun 1831), ingkang lumebet bawana Oseania inggih punika Polinesia (kalebet Niu Sélan), Melanesia (kalebet Nugini) lan Mikronesia. Éwadéné ing artosan wiyar, Oseania ugi ngliputi Australia lan Indonésia pérangan wétan; nanging langka nglebetaken Jepang lan Kepuloan Aleut wonten ing golongan Oseania.

Sabagéyan ageng saking Oseania kapèrang saking nagari-nagari pulo ingkang alit. Australia punika satunggaling nagari kontinental, éwadéné Papua Nugini lan Timor Timur punika nagari ingkang gadhah watesan dharat, kalih-kalihipun kaliyan Indonésia.

Nagari-nagari ing Oseania gadhah kamardikan kanthi jumlah ingkang kathah ragamipun saking panguwaos-panguwaos kolonial nagari-nagari kasebat lan sampun angsal pangaturan konstitusional ingkang kathah variasinipun sesuai dengan keadaan mereka. Australia contonipun, inggih punika nagari ingkang kagabung ing Persemakmuran, saéngga ngakeni Ratu Elizabeth II saking Karajan Manunggal Raya punika Ratu, sauntara Polinesia Prancis inggih punika satunggaling pays d'outre-mer ("nagara luar nagari") Prancis.

Sacara ékologi, Oseania punika satunggal ing antaraning wolu zona ékologi terestrial donya. Zona ékologi Oseania ngliputi Mikronesia, Fiji lan Polinesia kejawi Niu Sélan, Nugini, Kaledonia Baru, Kepuloan Solomon lan Vanuatu kalebet zona ékologi Australasia.

Ugi pirsani

• Jane's Oceania
• Pacific Pictures
• South Pacific Organizer
• Map South Pacific