Mahkamah Internasional

International Court of Justice Cour internationale de Justice
Peace Palace, kalungguhan ICJ.
Tipe Organisasi	Organ utama
Akronim	ICJ, CIJ
Pamimpin	Présidhèn ICJ Dame Rosalyn Higgins DBE
Status	Aktif
Madeg	1945
Website	www.icj-cij.org
Wikimedia Commons	ICJ-CJI
Portal	United Nations Portal

Mahkamah internasional iku badan yudisial ing Perserikatan Bangsa Bangsa (PBB), dunungé ing kutha Den Haag, Walanda. Mahkamah iki minangka badan kehakiman sing paling utama sajeroning organisasi PBB. Dewan keamanan bisa nyerahaké sawijining sengkéta hukum marang mahkamah.

Sumber-Sumber Hukum

Sumber-sumber hukum sig dipigunakaké naika nggawé kaputusan ya iku:

a. konvensi-konvensi internasional kanggo ngukuhaké perkara-perkara sing diakoni déning nagara-nagara sing lagi sulaya

b. kabiasaan internasional minangka bukti praktèk umum sing ditampa minangka hukum

c. azas-azas umum sing diakoni déning nagara-nagara sing duwé peradaban

d. kaputusan-kaputusan kehakiman lan pendhidhikan saka publisis-publisis sing paling mumpuni saka warna-warna nagara, minangka cara tambahan kanggo nentokaké peraturan-peraturan hukum

Mahkamah bisa nggawé kaputusan “ex aequo et bono” (tegesé: miturut apa sing dianggep adil) yèn pihak-pihak sing magepokan nyetujoni.

Kaanggotaan

Mahkamah dumadi saka limalas hakim, sing dikenal minangka ”anggota” mahkamah. Para hakim mau dipilih déning majelis umum lan dewan keamanan sing nganakaké pemungutan swara kanthi kapisah. Hakim-hakim dipilih adhedhasar kacakapané, dudu miturut dhasar kabangsan ananging diusahakaké supaya bisa njamin yèn sistem-sisitem hukum sing paling wigati ing donya diwakili déning mahkamah. Ora ana loro hakim sing dadi warga nagara saka nagara sing padha. Hakim-hakim mengku kalungguhan ing sajeroning wektu sangang taun lan bisa dipilih manèh. Para hakim mau ora kena nglungguhi kalungguhan liya samangsa mengku kalungguhan minangka hakim ing mahkamah iki.