Brigadir Jéndral

Brigadir Jéndral (sok dicekak Brigjèn) iku pangkat paling cendhèk sajeroning tataran perwira tinggi ing sawetara nagara, biyasané sak tingkat sadhuwuré Kolonèl lan sak tingkat sangisoré Mayor Jéndral. Sering kadadéan ing sawetara nagara migunakaké pangkat Mayor Jéndral (kanthi bintang siji) minangka pangkat paing cendhèk banjur Lètnan Jéndral (bintang loro, Colonel General (bintang telu) lan Jènderal (bintang papat).

Asal mula migunakaké tembung Brigadir

Pangkat brigadir jéndral bisa dilacak marang asalé saka militèr ing Éropah, ya iku Brigadir Jéndral (diprasajakaké dadi Brigadir), ngomandoni sawijining Brigade ing lapangan. Pangkat iki nyebar menyang saindhenging donya ing abad kaping 18 déning Amérika Sarékat, sarta Krajan Karajan Manunggal Raya.

Sajeroning Angkatan Laut, pangkat Brigadir Jéndral setaraf karo pangkat Commodore, sanadyan ing sawetara nagara dipigunakaké uga pangkat Rear Admiral.

Brigadir Jéndral ing TNI

Tandha pangkat kang dipigunakaké ing sandhangan dhines pedinan

Brigadir Jéndral iku pangkat paling endhèk ing tataran perwira tinggi ing TNI Angkatan Dharat, saliyané iku Brigadir Jéndral dianggo uga déning Korps Marinir, TNI Angkatan Laut. Kang nyandhang pangkat iki nganggo tandha pangkat kanthi bintang siji. Pangkat iki setara karo Laksamana Pertama ing lingkungan TNI Angkatan Laut (saliyané Korps Marinir) lan Marsekal Pertama ing lingkungan TNI Angkatan Udara.

Uga delengen

• Jéndral
• Tandha pangkat militèr
• TNI Angkatan Dharat