Askariasis

Ascaris lumbricoides
Cacing diwasa wadon.
Klasifikasi ngèlmiah
Karajan:	Animalia
Filum:	Nematoda
Klas:	Secernentea
Ordho:	Ascaridida
Famili:	Ascarididae
Génus:	Ascaris
Spésies:	A. lumbricoides
Jeneng binomial
Ascaris lumbricoides Linnaeus, 1758

Askariasis ya iku lelara parasit kang disebabaké déning Nemathelminthes Ascaris lumbricoides. Askariasis ya iku lelara kaping pindo paling sering ditemuni amarga makluk parasit.

Hospes lan distribusi

Hospes utawa inang saka Askariasis ya iku manungsa. Ning manungsa, larva Ascaris bakal dadi diwasa lan bisa nganakaké kopulasi sarta akiré ngendhog.

Lelara ini sipaté kosmopolit, bakal ditemuni ning saluruh donya. Prevalensi askariasis kira-kira 70-80%.

Morfologi

Cacing lanang gedhené kira-kira 10–30 cm, ananging cacing kang wadon bisa nganti kira-kira 22–35 cm. Ning cacing lanang bakal ditemukaké spikula utawa pérangan kaya ta juluré rambut ning pucuking buntut (posterior). Ning cacing wadon, ning sepertelon ngarepé ana pérangan kang disebut cincin utawa gelang kopulasi.

Cacing kang wis diwasa urip ning usus manungsa. Cacing wadon bisa ngendhog nganti 200.000 endhog nggal dinané. Endhog kang wis diengkremi ciliké 60 x 45 mikron. Ananging endhog kang ora diengkremi, wujudé luwih gedhene kira-kira 90 x 40 mikron. Endhog kang wis diangkremi iki sing bakaléiki kang bakal nginfeksi manungsa.

Rujukan

1. Gandahusada, Srisasi, Prof. dr. 2006. Parasitologi Kedhokteran. Jakarta:Fakultas Kedhokteran Universitas Indonesia.
2. Padmasutra, Leshmana, dr. 2007. Catatan Kuliah:Ascaris lumbricoides. Jakarta:Fakultas Kedhokteran Unika Atma Jaya Jakarta.