Pengantèn

Pengantèn iku sepasang wong (pengantèn putri lan pengantén kakung) ing acara penganténan sing wis nglakoni upacara ijab kabul lan sah dadi pasangan suami istri miturut hukum agama. Pengantén utawa mantèn iku uga biyasa diarani raja sedina amarga ing dina pawiwahan, pasangan iku disandingaké ing singgasana utawa pelaminan sing disediaké kusus uga dihiasi kusus. Pasangan pengantèn uga diladéni kusus déning kaluwargané dhéwé-dhéwé uga ngagem rasukan kusus kaya pasangan raja lan permaisuri.

Rasukan pengantèn

Rasukan sing diagem pengantèn iku dirancang lan digawé kusus, béda karo rasukan liyané. Umumé sing diagem pengantèn kakung iku luwih ringkes tinimbang sing diagem pengantèn putri, iki mliginé ing upacara pengantènan modhèrn.
Lumrahé rasukan pengantèn iki dadi tanggugjawab pemaès utawa uga diarani dhukun pengantèn.

Kamar pengantèn

Kamar pengantèn ya iku kamar kang digunakaké kanggo pengantén sakkloron. Kamar kang disiapaké kanggo turu bareng ing malam pertama utawa bengi sepisanan sawisé padha manténan. Kamar kang didhékorasi apik lan wangi supaya ora bisa nglalèkaké bengi iku.

Bengi pengantèn

Bengi pengantèn ya iku bengi sepisanan sawisé upacara penganténan kelakon.

Pengantèn Kakung

Pengantèn kakung utawa biyasa diarani mantèn lanang iku wong lanang sing dadi pengantèn. Pengantèn kakung umumé ngagem rasukan sing bisa nampilaké sosok sing gagah perkasa. Ing upacara pengantènan adat, pengantèn kakung ditampilaké kaya raja. Ing upacara pengantènan biyasa, pengantèn kakung iki racaké ngagem rasukan kakung formal kaya stèlan jas.

Pengantén Putri

Pengantèn putri utawa biyasa diarani mantèn wédok iku wong wédok sing dadi pengantèn. Umumé ngagem rasukan sing bisa nampilaké sosok sing ayu lan anggun uga bisa ngagem rasukan tradhisional tuladhané kebaya.

Uga delengen

• Pengantènan
• Pengantèn anyar
• Pengantèn massal
• Pengantèn adat Jawa