Tokyo: Béda antara owahan

Konten dihapus Konten ditambahkan

Salarik

Révisi kala 10 Agustus 2017 06.48

**Pamaréntah Metropolitan Tokyo**
東京都; *Tōkyō-to*

Kutha krajan dhistrik mirunggan	Shinjuku
Wewengkon	Kanto
Pulau	Honshu
Jembar wewengkon	2.187,08 km² (45)
- % air	1,0%
Penduduk	12.064.101 (1)
- Kepadatan	5.520/km²
Distrik	1
Kotamadya	39
Situs resmi	http://www.metro.tokyo.jp

Tokyo (東京; Tōkyō, harafiah: ibukitha wétan) punika ibukitha Jepang sekaligus tlatah ingkang paling padhet ing Jepang, sarta laladan metropolitan paling ageng ing donya dipuntingal saking cacah padunungipun (33.750.000 ing kitha lan tlatah saubengipun).

Watawis 12 yuta padunung manggèn ing Tokyo lan atusan èwon sanèsipun wongsal-wangsul saben dinten saking tlatah saubengipun kanggé nyambut damel utawi dagang ing Tokyo. Tokyo punika punjer pulitik, ékonomi, budaya lan akademis ing Jepang sarta panggénan pura kaisar Jepang lan kursi pamaréntahan nagari, sekaligus minangka punjer bisnis lan finansial utami tlatah Asia Wétan.

Tokyo anggadhahi sakedhik gedhong pencakar langit tinimbang kitha sanès ingkang saukuran, amargi wontenipun tatacara konstruksi lindhu. Wangunan di Tokyo kathahipun arupi apartemen tingkat andhap (6 ngantos 10 lantai) lan griya kulawarga ingkang alit. Tokyo ugi minangka lokasi sistem transportasi massal ingkang paling kompleks sadonya, lan misuwur déning jam-jam sibukipun ingkang padhet.

Tokyo sacara harafiah maknanipun "ibukitha wétan" wonten ing basa Jepang, kosok balèn kaliyan ibukitha lami ingkang wonten ing kilèn, Kyoto, ingkang dipunnamikaken "saikyo", utawi "ibukitha kilèn" ing abad ke-19. Ngantos taun 1870-an, Tokyo dipunwastani "Edo". Nalika punjer kekaisaran pindhah saking Kyoto dhateng Edo, naminipun lajeng dipungantos.

Geografi

Prefektur Tokyo dipunpérang dados Dharatan dan kepulowan. Bagéan Dharatan dumunung wonten ing sisih kidul-kilèn Lempongan Tokyo, watawis 90 km saking wétan ka kilèn, lan 25 km lèr ka kidul. Tokyo wewatesan kaliyan Prefektur Chiba ing sisih wétan, Prefektur Yamanashi ing kilèn, Prefektur Kanagawa ing kidul, lan Prefektur Saitama ing sisih lèr. Kepuloanipun arupi Kepulauan Izu lan Kepulauan Ogasawara, manjang watawis 1.000 km ka Samudra Pasifik.