Pananggalan Hijriyah: Béda antara owahan
→Tanggal-tanggal wigati: éjaan, replaced: Maulud → Mulud, Mulud Muhammad → Mulud |
éjaan, replaced: netepaké → ngukuhaké (2) |
||
Larik 52: | Larik 52: | ||
Sawisé séda Muhammad, diusulaké kapan diwiwiti Taun 1 [[Kalèndher]] Islam. Ana sing ngusulaké taun kelairan Muhammad minangka awal patokan penanggalan Islam. Ana sing ngusulaké uga wiwitan pathokan penanggalan Islam arupa taun wafaté Muhammad. |
Sawisé séda Muhammad, diusulaké kapan diwiwiti Taun 1 [[Kalèndher]] Islam. Ana sing ngusulaké taun kelairan Muhammad minangka awal patokan penanggalan Islam. Ana sing ngusulaké uga wiwitan pathokan penanggalan Islam arupa taun wafaté Muhammad. |
||
Pungkasané, ing taun 638 M (17 H), khalifah [[Umar bin Khatab]] |
Pungkasané, ing taun 638 M (17 H), khalifah [[Umar bin Khatab]] ngukuhaké wiwitan pathokan pananggalan Islam ya iku taun hijrahé Muhammad saka Mekkah menyang Madinah. Panentuan wiwitan pathokan iki diayahi sawisé ngilangaké kabèh wulan-wulan tambahan (interkalasi) sajeroning kalamangsa 9 taun. Tanggal 1 Muharam Taun 1 Hijriyah trep karo tanggal [[16 Juli]] [[622]], lan tanggal iki dudu tanggal hijrahé Muhammad. Prastawa hijrahé Muhammad kadadéan wulan September 622. Dhokumèn paling tuwa sing migunakaké sistem Kalèndher Hijriyah ya iku [[papirus]] ing [[Mesir]] ing taun 22 H, PERF 558. |
||
== Tanggal-tanggal wigati == |
== Tanggal-tanggal wigati == |
||
Larik 74: | Larik 74: | ||
Panentuan awal [[wulan]] dadi signifikan kanggo wulan-wulan sing magepokan karo ibadah, kaya wulan [[Ramadan]] (ya iku umat Islam nglakoni pasa Ramadan sesasi suwéné), [[Syawal]] (ya iku umat Islam ngrayakaké Dina Riyaya [[Idul Fitri]]), sarta [[Dzulhijjah]] (ana tanggal sing magepokan karo ibadah [[Haji]] lan Dina Riyaya [[Idul Adha]]). Panentuan kapan hilal bisa katon, dadi motivasi umat Islam sajeroning babagan [[astronomi]]. Iki dadi salah siji panyurung saéngga Islam dadi salah siji pangembang awal ngèlmu astronomi minangka sains, sajabaning [[astrologi]] ing [[Abad Tengahan]]. |
Panentuan awal [[wulan]] dadi signifikan kanggo wulan-wulan sing magepokan karo ibadah, kaya wulan [[Ramadan]] (ya iku umat Islam nglakoni pasa Ramadan sesasi suwéné), [[Syawal]] (ya iku umat Islam ngrayakaké Dina Riyaya [[Idul Fitri]]), sarta [[Dzulhijjah]] (ana tanggal sing magepokan karo ibadah [[Haji]] lan Dina Riyaya [[Idul Adha]]). Panentuan kapan hilal bisa katon, dadi motivasi umat Islam sajeroning babagan [[astronomi]]. Iki dadi salah siji panyurung saéngga Islam dadi salah siji pangembang awal ngèlmu astronomi minangka sains, sajabaning [[astrologi]] ing [[Abad Tengahan]]. |
||
Béda karo Kalèndher Hijriyah sing murni migunakaké visibilitas [[rembulan]] (''moon visibility'') ing panentuan awal [[wulan]] (''first month''), [[kalèndher Jawa]] wis |
Béda karo Kalèndher Hijriyah sing murni migunakaké visibilitas [[rembulan]] (''moon visibility'') ing panentuan awal [[wulan]] (''first month''), [[kalèndher Jawa]] wis ngukuhaké cacahing dina sajeroning saben wulan. |
||
== Uga delengen == |
== Uga delengen == |
Révisi kala 10 Agustus 2017 06.16
|
Pananggalan Hijriyah utawa Kalèndher Hijriyah utawa Kalèndher Islam (Basa Arab: التقويم الهجري; at-taqwim al-hijri), iku kalèndher sing dipigunakaké déning umat Islam, klebu sajeroning nemtokaké tanggal utawa wulan sing magepokan karo ibadah, utawa dina-dina wigati liyané. Ing nagara-nagara sing padunungé mayoritas Islam, Kalèndher Hijriyah uga minangka sistem penanggalan sadina-dina. Kalèndher Hijriyah migunakaké sistem kalèndher lunar (komariyah).
Pananggalan iki dijenengaké Pananggalan Hijriyah, amarga ing taun pisanan kalèndher iki iku taun dumadiné prastawa Hijrah Muhammad saka Makkah menyang Madinah, yakni ing taun 622 M.
Karakteristik
Diwiwitiné dina/tanggal ing Pananggalan Hijriyah béda karo ing Pananggalan Masèhi. Ing sistem Pananggalan Masèhi, sawijining dina/tanggal diwiwiti ing jam 00.00 wektu saenggon. Nanging ing sistem Pananggalan Hijriyah, sawijining dina/tanggal diwiwiti nalika srengéngé angslup ing panggonan kasebut.
Pananggalan Hijriyah diyasa miturut rata-rata silkus sinodik wulan pananggalan lunar (qomariyah), duwé 12 wulan sajeroning setahun. Kanthi migunakaké siklus sinodik wulan, wilangan dina sajeroning sataun ana (12 x 29,53059 dina = 354,36708 dina).Bab iki sing njelasaké 1 taun Pananggalan Hijriyah luwih cendhak watara 11 dina tinimbang 1 taun Pananggalan Masèhi.
Faktané, siklus sinodik wulan duwé variasi. Cacahing dina sajeroning sak wulan sajeroning Pananggalan Hijriyah gumantung ing posisi rembulan, bumi lan srengéngé. Umur rembulan sing ngancik 30 dina trep karo dumadiné rembulan anyar (new moon) ing titik apooge, ya iku jarak paling adoh antara rembulan lan bumi, lan ing wektu sing bebarengan, bumi dumunung ing let paling cedhak karo srengéngé (perihelion). Sauntara iku, sak wulan sing lumangsung 29 dina trep karo wektu dumadiné rembulan anyar ing perige (let paling cedhak rembulan karo bumi) kanthi bumi dumunung ing titik paling adoh saka srengéngé (aphelion). Ing kéné katon yèn umur wulan ora tetep nanging owah-owah (29 - 30 dina) miturut karo kedhudhukan katelu bandha langit kasebut (rembulan, Bumi lan Srengéngé)
Panentuan awal wulan (new moon) ditandani déning munculé penampakan (visibilitas) Rembulan Sabit pisanan (hilal) sawisé wulan anyar (konjungsi utawa ijtimak). Ing fase iki, rembulan angslup sawetara wektu sawisé angslupé srengéngé, saéngga posisi hilal dumunung ing ufuk kulon. Yèn hilal ora bisa dideleng ing dina ka-29, cacahing dina ing wulan kasebut dibulatna dadi 30 dina. Ora ana aturan mirunggan wulan-wulan ngendi waé sing duwé 29 dina, lan ngendi sing duwé 30 dina. Kabèh gumantung marang penampakan hilal.
Jeneng-jeneng wulan
Pananggalan Hijriyah dumadi saka 12 wulan:
- Muharram
- Safar
- Rabiul awal
- Rabiul akir
- Jumadil awal
- Jumadil akir
- Rajab
- Sya'ban
- Ramadhan
- Syawal
- Dzulkaidah
- Dzulhijjah
Jeneng-jeneng dina
Pananggalan Hijriyah dumadi saka 7 dina. Sawijining dina diwiwiti kanthi angsluping srengéngé, béda karo Kalèndher Masehi sing miwiti dina ing wektu tengah wengi. Ing ngisor iki jeneng-jeneng dina:
- al-Ahad (Minggu)
- al-Itsnayn (Senèn)
- ats-Tsalaatsa' (Slasa)
- al-Arba'aa / ar-Raabi' (Rebo)
- al-Khamiis (Kemis)
- al-Jum'aat (Jemuah)
- as-Sabt (Setu)
Sajarah
Kapan diwiwiti taun 1 Hijriyah ya iku 6 taun sawisé séda Muhammad. Sanadyan mangkono, sistem sing ndhasari Pananggalan Hijriyah wis ana wiwit jaman pra-Islam, lan sistem iki direvisi ing taun ka-9 kalamangsa Madinah.
Sistem kalèndher pra-Islam ing Arab
Sadurungé tekaning Islam, ing tanah Arab kaloka sistem pananggalan mawa basis campuran antara rembulan (komariyah) lan Srengéngé (syamsiyah). Ubengé rembulan dipigunakaké, lan kanggo nyinkronaké karo mangsa diayahi penambahan cacahing dina (interkalasi).
Ing wektu itu, durung kaloka penomoran taun. Sawijining taun kaloka kanthi jeneng prastawa sing cukup wigati ing taun kasebut. Upamané, taun nalika Muhammad lair, kaloka kanthi sebutan "Taun Gajah", amarga ing wektu iku, kadadéan panyerbuan Ka'bah ing Mekkah déning wadyabala gajah sing dipanggedhèni déning Abrahah, Gubernur Yaman (salah siji provinsi Krajaan Aksum, saiki klebu wewengkon Etiopia).
Revisi penanggalan
Ing era kenabian Muhammad, sistem pananggalan pra-Islam dipigunakaké. Ing taun ka-9 sawisé Hijrah, mudhun ayat 36-37 Surat At-Taubah, sing nglarang nambahaké dina (interkalasi) ing sistem penanggalan.
Panentuan Taun 1 Kalèndher Islam
Sawisé séda Muhammad, diusulaké kapan diwiwiti Taun 1 Kalèndher Islam. Ana sing ngusulaké taun kelairan Muhammad minangka awal patokan penanggalan Islam. Ana sing ngusulaké uga wiwitan pathokan penanggalan Islam arupa taun wafaté Muhammad.
Pungkasané, ing taun 638 M (17 H), khalifah Umar bin Khatab ngukuhaké wiwitan pathokan pananggalan Islam ya iku taun hijrahé Muhammad saka Mekkah menyang Madinah. Panentuan wiwitan pathokan iki diayahi sawisé ngilangaké kabèh wulan-wulan tambahan (interkalasi) sajeroning kalamangsa 9 taun. Tanggal 1 Muharam Taun 1 Hijriyah trep karo tanggal 16 Juli 622, lan tanggal iki dudu tanggal hijrahé Muhammad. Prastawa hijrahé Muhammad kadadéan wulan September 622. Dhokumèn paling tuwa sing migunakaké sistem Kalèndher Hijriyah ya iku papirus ing Mesir ing taun 22 H, PERF 558.
Tanggal-tanggal wigati
Tanggal-tanggal wigati sajeroning Pananggalan Hijriyah ya iku:
- 1 Muharram: Taun Anyar Hijriyah
- 10 Muharram: Dina Asyura. Dina iki dipèngeti déning kaum Singah kanggo mèngeti sédané Imam Husain bin Ali
- 12 Rabiul Awal: Mulud (dina kelairan Muhammad)
- 27 Rajab: Isra' Mi'raj
- Wulan Ramadan: umat Islam nglakoni Pasa Ramadan sewulan kebak.
- 27 Ramadan: Nuzulul Qur'an (ing Indonésia lan Malaysia dipèngeti saben tanggal 17 Ramadan)
- 10 dina pungkasan ing Wulan Ramadan Lailatul Qadar
- 1 Syawal: Dina Riyaya Idul Fitri
- 9 Dzulhijjah: Wukuf ing Padang Arafah
- 10 Dzulhijjah: Dina Raya Idul Adha
Hisab lan Rukyat
Rukyat iku aktivitas ngamati visibilitas hilal, ya iku ngamati penampakan rembulan sabit sing pisanan katon sawisé wulan anyar (ijtima). Rukyat bisa dilakukan nganggo mata wuda, utawa nganggo piranti bantu optik kaya teleskop. Yèn hilal katon, ing soré kasebut wis mlebu tanggal 1.
Déné hisab iku ngayahi pétungan kanggo nemtokaké posisi wulan sacara matematis lan astronomis. Hisab minangka piranti bantu kanggo meruhi kapan lan ing ngendi hilal (rembulan sabit pisanan sawisé wulan anyar) bisa katon. Hisab kerep diayahi kanggo mbantu sadurungé rukyat.
Panentuan awal wulan dadi signifikan kanggo wulan-wulan sing magepokan karo ibadah, kaya wulan Ramadan (ya iku umat Islam nglakoni pasa Ramadan sesasi suwéné), Syawal (ya iku umat Islam ngrayakaké Dina Riyaya Idul Fitri), sarta Dzulhijjah (ana tanggal sing magepokan karo ibadah Haji lan Dina Riyaya Idul Adha). Panentuan kapan hilal bisa katon, dadi motivasi umat Islam sajeroning babagan astronomi. Iki dadi salah siji panyurung saéngga Islam dadi salah siji pangembang awal ngèlmu astronomi minangka sains, sajabaning astrologi ing Abad Tengahan.
Béda karo Kalèndher Hijriyah sing murni migunakaké visibilitas rembulan (moon visibility) ing panentuan awal wulan (first month), kalèndher Jawa wis ngukuhaké cacahing dina sajeroning saben wulan.
Uga delengen
Pranala njaba
Sasi jroning kalèndher hijriyah | |
---|---|
Muharram – Safar – Rabiul awal – Rabiul akhir – Jumadil awal – Jumadil akhir – Rajab – Sya'ban – Ramadhan – Syawal – Dzulkaidah – Dzulhijjah |