Kéwan nggayemi: Béda antara owahan
→Alat Pencernaan: dipunginakaken -> dipun-ginakaken (éjaan), replaced: dipunginakaken → dipun-ginakaken |
→Mékanisme Pencernaan: éjaan, replaced: bagéyan → pérangan |
||
Larik 47: | Larik 47: | ||
== Mékanisme Pencernaan == |
== Mékanisme Pencernaan == |
||
Panganan ingkang arupi sesuketan ingkang sampun dimamah ing salebeting lambé lajeng mlebet ing ''rumen'' liwat esophagus.<ref name="internet1"/> Panganan kasebat disimpen sawatawis ing |
Panganan ingkang arupi sesuketan ingkang sampun dimamah ing salebeting lambé lajeng mlebet ing ''rumen'' liwat esophagus.<ref name="internet1"/> Panganan kasebat disimpen sawatawis ing pérangan ''rumen''.<ref name="internet1"/> Salajengipun, panganan punika tumuju ''retikulum'' kaliyan dicerna ing selebetipun. Panganan ingkang sampun dicerna diwedalaken malih ing lambé.<ref name="internet1"/> Ing salebeting lambé dimamah malih lajeng dileg malih tumuju ''retikulum''. Prosès punika dipunwastani '''memamah biak'''.<ref name="internet1"/> Lajeng panganan mlebet ing ''omasum'', ing mriki toya dipunserep. Panganan dipunlajengaken tumuju ''abomasum''.<ref name="internet1"/> Ing Abomasum panganan dipuncerna lajeng mlebet ing usus alus ingkang lajeng dipunserep sari-sari panganan.<ref name="internet1"/> Déné sisa panganan ingkang boten dipunserep dipunkirim tumuju usus ageng.<ref name="internet1"/> Sasampunipun toyanipun dipunserep, sisa panganan ingkang sampun arupi ampas lajeng dipunwedalaken liwat [[anus]].<ref name="internet1"/> |
||
== Cathetan suku == |
== Cathetan suku == |
Révisi kala 7 Agustus 2017 06.44
Ruminansia | |
---|---|
Sapi, Bos taurus | |
Klasifikasi ngèlmiah | |
Karajan: | Animalia |
Filum: | Chordata |
Klas: | Mammalia |
Ordho: | Artiodactyla |
Subordho: | Ruminantia |
Familia | |
Antilocapridae Bovidae Cervidae Giraffidae Moschidae Tragulidae |
Kéwan nggayemi (ruminansia) inggih punika klompok kéwan mamalia ingkang saged mamah panganan ping kalih, saéngga klompok kéwan punika dipunwastani kéwan pemamah biak.[1] Ing sistem klasifikasi manungsa kaliyan ruminansia punika nggadhahi ciri ingkang sami saking sistem pencernaanipun.[1] Tuladhanipun kéwan pemamah biak inggih punika sapi, kebo, kelinci, kancil, wedhus, kidang, bison, lan jerapah.[2]
Alat Pencernaan
Kéwan pemamah biak nggadhahi alat pencernaan, kadosta rongga lambé (untu), esophagus, lambung, kaliyan usus.[1] Untu ruminansia wonten jinis untu geraham ingkang ageng. Untu punika ginanipun kanggé nggiling kaliyan nggiles, sarta mamah sesuketan ingkang ngandhut selulosa ingkang awrat dipuncerna.[1]
Rantaman untu sapi :
3 3 0 0 0 0 0 0 Rahang inggil
M P C I I C P M Jinis gigi
3 3 0 4 4 0 3 3 Rahang ngandhap
I = insisivus = gigi seri
C = kaninus = gigi taring
P = premolar = geraham ngajeng
M = molar = geraham wingking
Lambung ruminansia kawangun saking rumen (weteng ageng), retikulum (weteng gala), omasum (weteng lutab), kaliyan abomasum (weteng masam).[1] Abomasum punika minangka ingkang dados lambung saéstunipun ingkang ugi dipungadhahi mamalia sanèsipun.[1] Ing lambung dipunkasilaken baktèri ingkang ngasilaken enzim selulase.[2] Enzim punika ginanipun ngrombak selulosa dados asam lemak. Ananging, ing abomasum ingkang asifat asam baktèri boten saged gesang, saéngga baktèri punika mati.[2] Lajeng dipuncerna dados sumber protein kanggé kéwan ruminansia. Dadosipun, kéwan ruminansia punika ugi mbetahaken asam amino kados manungsa.[2] Asam lemak sarta protein punika ingkang dados bahan baku kanggé mbentuk susu ing badan sapi.[2]
Usus ing sapi dawa sanget, usus alusipun saged ngantos 4 m.[2] Punika dipunprabawani dèning panganan ingkang kathahipun saking serat (selulosa).[2] Enzim selulase ingkang dipunkasilaken dèning baktèri punika boten namung kanggé ncerna selulosa dados asam lemak, nanging ugi saged ngasilaken biogas ingkang arupi CH4 ingkang dipun-ginakaken sumber energi alternatif.[2]
Mékanisme Pencernaan
Panganan ingkang arupi sesuketan ingkang sampun dimamah ing salebeting lambé lajeng mlebet ing rumen liwat esophagus.[1] Panganan kasebat disimpen sawatawis ing pérangan rumen.[1] Salajengipun, panganan punika tumuju retikulum kaliyan dicerna ing selebetipun. Panganan ingkang sampun dicerna diwedalaken malih ing lambé.[1] Ing salebeting lambé dimamah malih lajeng dileg malih tumuju retikulum. Prosès punika dipunwastani memamah biak.[1] Lajeng panganan mlebet ing omasum, ing mriki toya dipunserep. Panganan dipunlajengaken tumuju abomasum.[1] Ing Abomasum panganan dipuncerna lajeng mlebet ing usus alus ingkang lajeng dipunserep sari-sari panganan.[1] Déné sisa panganan ingkang boten dipunserep dipunkirim tumuju usus ageng.[1] Sasampunipun toyanipun dipunserep, sisa panganan ingkang sampun arupi ampas lajeng dipunwedalaken liwat anus.[1]