Kabupatèn Purwareja: Béda antara owahan
c Bot: Panggantèn teks otomatis (-\bDelengen uga\b +Uga delengen) |
Buddha -> Buda (éjaan baku), replaced: Buddha → Buda |
||
Larik 16: | Larik 16: | ||
<tr><td>[[Padunung]] <br /> - Total: <br /> - Kapadhetan: </td><td><br /> +/- 709.000 (2003) <br /> +/- 685 / km² </td></tr> |
<tr><td>[[Padunung]] <br /> - Total: <br /> - Kapadhetan: </td><td><br /> +/- 709.000 (2003) <br /> +/- 685 / km² </td></tr> |
||
<tr><td>[[Suku Bangsa]]:</td><td>[[wong Jawa]]</td></tr> |
<tr><td>[[Suku Bangsa]]:</td><td>[[wong Jawa]]</td></tr> |
||
<tr><td>[[Agama]]:</td><td>[[Kajawèn]], [[Islam]], [[Protestan]], [[Katulik]], [[Hindhu]] lan [[ |
<tr><td>[[Agama]]:</td><td>[[Kajawèn]], [[Islam]], [[Protestan]], [[Katulik]], [[Hindhu]] lan [[Buda]]</td></tr> |
||
<tr><td>Basa:</td><td> [[Basa Jawa]] lan [[Basa Indonésia]]</td></tr> |
<tr><td>Basa:</td><td> [[Basa Jawa]] lan [[Basa Indonésia]]</td></tr> |
||
</table> |
</table> |
||
Larik 86: | Larik 86: | ||
{{Kabupatèn Purwareja}} |
{{Kabupatèn Purwareja}} |
||
{{Jawa Tengah}} |
{{Jawa Tengah}} |
||
⚫ | |||
[[Kategori:Kabupatèn ing Jawa Tengah|Purwareja]] |
[[Kategori:Kabupatèn ing Jawa Tengah|Purwareja]] |
||
[[Kategori:Kabupatèn Purwareja]] |
[[Kategori:Kabupatèn Purwareja]] |
||
⚫ |
Révisi kala 14 Juni 2017 08.28
| |||
Motto: "Purworejo Berirama (bersih, indah, aman, dan makmur)[1]" | |||
Barkas:Locator kabupatèn purworejo.png | |||
Dina Dadi: | ... | ||
Kutha krajan: | Purwareja | ||
Bupati: | |||
Wakil Bupati: | |||
Jembar - Total: | 1.034 km² | ||
Kacamatan - Cacahe: | 16 Kacamatan | ||
Padunung - Total: - Kapadhetan: | +/- 709.000 (2003) +/- 685 / km² | ||
Suku Bangsa: | wong Jawa | ||
Agama: | Kajawèn, Islam, Protestan, Katulik, Hindhu lan Buda | ||
Basa: | Basa Jawa lan Basa Indonésia |
Kabupatèn Purwareja (hanacaraka:ꦥꦸꦂꦮꦉꦗ) iku sawijine kabupatèn ing Jawa Tengah, lokasiné ing sisih kulon DIY, kutha Purwareja iku kutha krajan kabupatèné, kutha-kutha liyané :, lan liya-liyané. Jembar wewengkon Kabupatèn iki ± 1.034 km² utawa hèktar.
Kabupatèn Purwareja wewatesan :
ing sisih lor karo: | Kabupatèn Magelang |
ing sisih kidul karo: | Samudra Hindhia |
ing sisih kulon karo: | Kabupatèn Kebumèn lan Kabupatèn Wanasaba |
ing sisih wétan karo: | Daerah Istimewa Yogyakarta |
Sajarah
Kabupatèn Purwareja nduwèni sajarah sing tuwa, diwiwiti jaman Megalitik disinyalir wis ana kauripan kanthi komunitas tetanèn sing tumata, kabuktèn anané sawetara paninggalan sajarah ing mangsa MEGALITH arupa MENHIR watu tegak ing sawetara wewengkon Kacamatan ing Kabupatèn Purwareja. Nalika jaman Hindhu Klasik, kawasan Tanah Bagelèn nduwèni peran wigati jroning sajarah Kraton Mataram Kuna (Hindhu). Tokoh Sri Maharaja Balitung Watukoro dikenal minangka Maharaja Mataram Kuna paling gedhé, kanthi wewengkon kakuwasan nyakup: Jawa Tengah, Jawa Wétan lan sawetara wewengkon ing njaban pulo Jawa.
Prof. Poerbatjaraka mratélakaké yèn Sri Maharaja Balitung Watukoro asal saka laladan Bagelèn. Indhikasi iki kacetha ing jeneng "Watukoro" sing dadi jeneng sawijining kali gedhé, kali iki disebut uga kanthi jeneng Kali Bogowonto. Diarani mangkono, ngèlingi ing jaman iku ing gisiking kali kerep katon pandhita (Begawan).
Petilasan suci arupa lingga, yoni lan stupa panggonan para begawan ngayahi upacara bisa dipirsani ing wewengkon Kalurahan Balédana, Kacamatan Loano lan Bagelen. Désa Watukoro dhéwé dumunung ing sungapan kali Bogowonto lan klebu wewengkon Kacamatan Purwadadi.
Pangembangan Agama Islam ing wewengkon Purwareja, diayahi déning Ki Cakrajaya, tukang nderes legèn utawa badhèg saka Bagelen, murid saka Sunan Kalijaga. Ki Cakrajaya luwih dikenal kanthi sebutan Sunan Geseng. Paninggalan Sunan Geseng akèh tinemu ing Bagelen lan Loano. Kenthol Bagelen sing dadi piandeling wadya bala Sutawijaya, pawongan kang sabanjuré jumeneng nata dadi Panembahan Senopati ing Mataram, minangka dhasar pambentukan Krajan Islam Mataram. Ing periodé sabanjuré nalika Sultan Agung kuwasa ing Mataram, wadya bala saka Bagelèn iki sing duwé andhil jroning panyerangan menyang Batavia lan klebu wadya bala baku Mataram.
Amarga saka Prejanjèn Giyanti 1755 sing misahaké Krajan Jawa dadi loro, ya iku Surakarta lan Yogyakarta, tanah Bagelèn nampa akibaté, ya iku tanah Bagelèn dipara dadi rong bagéan ya iku kanggo Yogyakarta lan Surakarta, ananging amarga ora cetha wates-watesé wusanané dadi congkrah ora lèrèn-lèrèn. Mangsa Perang Dipanegara taun (1825 - 1830) tanah Bagelèn dadi basis perlawanan Pangéran Dipanegara. Sarampungé Perang Dipanegara, Tanah Bagelèn lan Tanah Banyumas dijaluk kanthi peksa déning Walanda. Walanda banjur masrahaké marang Ngabèhi Resodiwiryo sing mbantu nglawan pemberontak, dadi Panguasa Tanggung kanthi gelar Tumenggung Cakrajaya sing sabanjuré diangkat dadi Bupati (Regent) Kabupatèn Purwareja kanthi Gelar Cokronegoro. Pawisudan diayahi ing Kedungkebo, markas garnisun Walanda lan sing ngawisuda ya iku Kolonel Cleerens.
Wewengkon Kabupatèn Purwareja nalika iku jembaré 263 Pal pesagi utawa watara 597 Km pesagi, nyakup kawasan wétan Kali Jali. Déné wewengkon sing jembaré 306 Km pesagi ing kulon kali Jali, minangka wewengkon Kabupatèn Semawung (Kutaarjo) lan dipimpin déning Bupati (Regent) Sawunggaling. ngrembakane sabanjuré, Kedongkebo sing dadi basis militèr Walanda digabung karo Brèngkèlan lan dadi Purwareja. Déné tanah Bagelèn déning Pamaréntah Kolonial Walanda didadèkaké Karesidenan Bagelen kanthi Kutha krajan Purwareja.
Wewengkon Karesidenan Bagelem nyakup, Kabupatèn Purwareja, Kabupatèn Semawung (Kutaarja), Kabupatèn Kuthawinangun, Kabupatèn Remo Jatinegara (Karanganyar) lan Kabupatèn Urut Sewo utawa Kabupatèn Ledok utawa Kabupatèn Wanasaba.
Residhèn Bagelèn manggon ing Bangunan sing saiki dadi Kantor Pamaréntah Laladan Purwareja utawa luwih koncar kanthi jeneng Kantor OTONOM sing lokasiné ing bagéan kidul Alun-alun Purwareja.[2]
Geografis
Sisih kidul wewengkon Kabupatèn Purwareja arupa dhataran cendhèk. Sisih lor arupa pagunungan, pérangan saka Pagunungan Serayu. Ing tapel wates karo DIY, dumunung Pagunungan Menorèh.
Purwareja dumunung ana ing jalur utama lintas kidul Pulo Jawa. Kabupatèn iki uga diliwati jalur sepur, kanthi stasiun paling gedhé ing Kuthaarja.
Pemerentahan
Kabupatèn Purwareja ketata saking 16 kacamatan, kalurahan lan désa. Kacamatan-Kacamatan ing Kabupatèn Purwareja ya iku:
- Kacamatan Bagelen
- Kacamatan Banyuurip
- Kacamatan Bayan
- Kacamatan Bener
- Kacamatan Bruno
- Kacamatan Butuh
- Kacamatan Gebang
- Kacamatan Grabag
- Kacamatan Kaligesing
- Kacamatan Kemiri
- Kacamatan Kutoarjo
- Kacamatan Loano
- Kacamatan Ngombol
- Kacamatan Pituruh
- Kacamatan Purwodadi
- Kacamatan Purworejo
Catetan Suku
- ↑ sosbud.kompasiana.com:Anehnya Slogan Kota (diaksès tanggal 6 Sèptèmber)
- ↑ Sejarah Purwareja
Uga delengen
Pranala njaba
Artikel iki minangka artikel rintisan. Kowé bisa ngéwangi Wikipédia ngembangaké. |