Basa Madura

Basa Madura (Basa Madhura)
Dipituturake ing:	Madura, Bawean, Kangean, Jawa Wétan, Kalimantan (Indonésia)
Cacah Panutur:	15 yuta
Ing donya urutan ping:	?
Rumpun Basa Klasifikasi:	Austronesia  Melayu-Polinesia   Melayu-Polinesia Kulon    Sundik      Basa Madura
Status Resmi
Basa Laladan:	Propinsi Jawa Wétan
Kode Basa
ISO 639-1	mad
ISO 639-2	mad
SIL	MHJ, KKV

Basa Madura iku basa sing dipituturake déning wong Madura. Basa iki digunakake in pulo Madura, Jawa Wétan lan tlatah-tlatah liyane.

Tlatah panyebarané Basa Madura

Basa Madura sing ing basa asliné diucapaké "medhureh" dipituturaké utamané ing tlatah Madura, kapuloan Kangéan, Masalembo, lan tlatah wétaning Jawa Wétan, kayata ing Surabaya, Pasuruan, Malang, lan mayoritas ing wewengkon Probolinggo, Situbondo, Bondowoso, Lumajang, Jember lan Banyuwangi. Sakliyane iku, uga akèh wong Madhura ing tlatah Kalimantan. Kira-kira cacahé ana 10 utawa 15 yuta jiwa.

Undhak-usuké basa Madura

Umumé, basa Madura ing undhak-usuké uga padha karo Basa Jawa. Ana alus lan kasar. Nanging ing basa iki, dibagi dadi telung rupa.

• Ja'-Iya (Ngoko)
• Enggi-Enthen (Madya)
• Enggi-Bunten (Krama)

Rupa-rupaning Basa Madhura

Basa Madhura dhéwé uga kebagi dadi rupa-rupa, sing diweruhi kayata:

• Dhialek Bangkalan
• Dhialek Sampang
• Dhialek Pamekasan
• Dhialek Sumenep
• Dhialek Pendhalungan (Sing dipituturake ing Jawa Wétan)
• Dhialek Kangean
• Basa Bawean.