Elfriede Jelinek

Elfriede Jelinek
Pakarya	playwright, novelis
Bangsa	Austria
Gènre	Feminisme, Kritik sosial
Karya gedhé	Die Klavierspielerin
Bebungah utama	Penghargaan Nobel dalam Sastra taun 2004
Situs jaringan
http://ourworld.compuserve.com/homepages/elfriede/

Elfriede Jelinek (lair ing Mürzzuschlag, Steiermark, 20 Oktober 1946; umur 77 taun) ya iku pengarang saka Austria, kang menagake Hadiah Nobel Sastra nalika taun 2004. Elfriede Jelinek duwé ibu kang jenenge Olga Jelinek utawa Olga Buchner ya iku manager personel ana ing sawijining perusahaan terkenal lan bapake ya iku Dr. Friedrich Jelinek kimiawan kang duwé latar belakang kelas pekerja ing Wina. Dhèwèké sinau sejarah seni lan seni teater ing Universitas Wina lan ngrampungake pelajaran organne nalika taun 1971. Wiwit taun 1966 dhèwèké wis makarya dadi penulis, kang urip mondar-mandir ing Kutha Wien lan Kutha Muenchen. Taun 1974 Jelinek daup karo Gottfried Hüngsberg, kang nalika iku nggubah musik filem kanggo Rainer Werner Fassbinder nanging wiwit taun 1970-an wis kerja ana ing Kutha Munchen ana ing babagan teknologi informasi. Karya Jelinek bisa dikelompokake ana ing telung tahap. Karyane kang pisanan isine kritik kanggo kapitalisme lan masyarakat konsumtif. Wiwit pungkasan taun 1980-an dhèwèké wis nyerang fasisme ana ing jaman dhisik lan anti-Semit nalika jaman saiki ing Austria lan Jerman. Taun 1998 Jelinek diwenehi kanugrahan Bebungah Georg Büchner. Elfriede Jelinek ya iku pemenang Penghargaan Nobel ana ing babagan Sastra naika taun 2004. Nalika pengumuman resmine ya iku nalika tanggal 7 Oktober komite Nobel ngutip "aliran suara lan kontra-suara musik" ana ing karyane. Jelinek ya iku wanita ka-10 kang nampa Hadiah Nobel ana ibf babagan sastra.