Panguapan

Uap banyu sing wis nguap saka tèh panas kakondhènsasi dadi tetesan banyu. Gas banyu ora katon, nanging kebul tetesan banyu iku pitutuh saka panguapan sing diterusaké kondhènsasi

Panguapan utawa evaporasi iku prosès owah-owahan molekul sajroning kahanan cuwèr (contoné banyu) kanthi spontan dadi gas (contoné uap banyu). Prosès iki walikan saka kondhènsasi. Umumé panguapan bisa dideleng saka ilangé cuwèran sacara alon-alon nalika kapapar gas mawa volume signifikan.

Rata-rata molekul ora duwé ènèrgi sing cukup kanggo ucul saka cuwèran. Yèn ora cuwèran bakal owah dadi uap kanthi cepet. Nalika molekul-molekul silih tumbukan, molekul-melokul mau silih ijol ènèrgi jroning manéka drajat, gumantung kepriyé anggoné tumbukan. Sok-sok transfer ènèrgi iki abot sisih banget, saéngga salah siji molekul antuk ènèrgi sing cukup kanggo nembus titik umub cuwèran. Yèn iki dumadi ing cerak lumahing cuwèran molekul mau bisa mabur jroning gas lan "nguap"

Ana cuwèran sing katoné ora nguap ing suhu tinentu sajroning gas tinentu (contoné lenga pangan ing suhu kamar). Cuwèran kaya ngéné iki duwé molekul-molekul sing cenderung ora nglantaraké ènèrgi siji lan sijiné jroning pola sing cukup kanggo mènèhi siji molekul "kacepetan lepas" - ènèrgi panas - sing diperlokaké kanggo owah dadi uap. Nanging cuwèran kaya iki sejatèiné nguap, mung waé prosèsé adoh luwih alon lan mula iku ora katon.

Panguapan iku bagéyan èsènsial saka siklus banyu. Ènèrgi srengéngé nggerakaké panguapan banyu saka samodra, tlaga, embun lan sumber banyu liyané. Jroning hidrologi panguapan lan transpirasi (sing nglibataké panguapan ing njero stomata tetanduran) sacara kolèktif diistilahaké minangka evapotranspirasi.

Pranala njaba

• Penguapan banyu
• Artikel MSN Encarta ngenani penguapan

Dari	Ke
	Padhet	Cuwèr	Gas	Plasma
Padhet	N/A	Mencair	Nyublim	-
Cair	Mbeku	N/A	Nguap	-
Gas	Ngristal	Ngembun	N/A	Ionisasi
Plasma	-	-	Rekombinasi/Deionisasi	N/A