Kastil Hiroshima

Menara utama Istana Hiroshima lan parit dalam

Kastil Hiroshima (広島城, Hiroshima-jō^?) utawi asring dipunsebut astana ikan Koi (鯉城, rijō^?) inggih punika nama sawijining astana ingkang mapan wonten ing kutha Hiroshima, Prefektur Hiroshima, Jepang. Astana Hiroshima punika kapisan dipunbangun nalika taun 1589 lan dados pusat kuasaning daimyo wewengkon han Hiroshima. Bom atom ingkang dhawah wonten ing kutha Hiroshima nalika tanggal 6 Agustus 1945 ngrusak sadaya bangunan astana. Astana ingkang sapunika wonten ingkang punika replika kabangun nalika taun 1958 lan ginanipun minangka muséum sejarah Hiroshima periode sakdèrèngipun Perang Dunia II. Menara utami ingkang warni ireng kados warna iwak koi utawi paring ing sakiwa tengenipun istana punika kathah iwak koi. Punika ingkang dados alesan bilih Hiroshima kawéntar minangka astana iwak koi. Tim bisbol kebanggaan Hiroshima Toyo Carp amargi carp wonten Basa Inggris punika ateges ulam koi .

Astana Hiroshima wiwit dipunbangun nalika abad kaping 16 déning Klan Mori. Ananging bibar risak amargi bom atom ing kutha Hiroshima kasebut, astana punika banjur dipunbangun malih kanthi ngginakaken beton Ferro lan dumugi sapunika tasih tetep dipertahanaken simbol sejarah kutha punika. Wonten ing astana punika boten namung mirsani kaéndahan bangunan gedung lan pemandanganipun, ananging ugi mirsani masa nalika astana dipunbangun, banjur risak awit saking bom atom sekuthu, lajeng dipunbangun malih .

Konstruksi

Astana Hiroshima punika kabangun ing nginggiling lemah delta ingkang lembek, distribusi bobot tembok watu ingkang kedah rata punika ngginakaken teknik khusus. Bangunan astana ingkang asli kabangun saking kayu lan kapungkasan kirang langkung taun 1592 utawi taun 1599. Lantai nginggil tembok watu bangunan Honmaru ingkang kaperang dados 2 ingkat punika ambrol amargi perbaikan déning Fukushima Masanori. Asiling perbaikan ingkang gagal punika tasih saged dipunpirsani sapunika.

Bangunan ingkang wonten sapunika

wonten ing kompleks Astana Hiroshima kapérang dados bangunan-bangunan kadosta :

• Menara utami

Rèplika menara utami ingkang kadamel saking beton saking njawi katingal kados menara utami ingkang asli. Menara punika kabangun sesambetan kaliyan wontening paméran pemulihan kutha Hiroshima nalika taun 1958. Bangunan punika kapérang dados 5 lantai kanthi dhuwur 26,6 meter ing sanginggiling watu pondasi kanthi dhuwur12,4 meter sanginggiling permukaan lemah.

• Menara pengawas ( Ninomaru Hirayagura, Tamon Yagura, Taiko Yagura ) lan pintu gerbang Omotegomon. Sedaya punika kalebet rèplika saking kayu ingkang kapungkasan anggènipun mbangun ing taun 1994.
• Kuil Hiroshima Gokokujinja. Kuil Shinto ingkang mapan ing tilas Honmaru lan kathah dipuntekani déning tiyang ingkang ngadani Hatsumode ing wiwitan taun énggal.
• Bangunan sanès kadosta : stasiun TV Chugoku Hoso ( RCC ) ingkang kalebet bagéyan jaringan TV TBS, patung Ikeda Hayato ( politisi ingkang wiyos wonten ing Hiroshima ing zaman Meiji ), lapangan bola voli lan toya mancur.

Pranala njawi

• Sejarah Istana Hiroshima
• (ing basa Jepang) Situs resmi Istana Hiroshima