Padunung

Dalan kang kebak padunung ing Jepang, nagara kanthi kapadhetan padunung sing dhuwur banget

Proyeksi tuwuhing padunung ing donya abad iki

Padunung sawijining nagara utawa laladan bisa dipérang dadi rong pangertèn:

• Wong sing manggon ing laladan kasebut
• Wong sing sacara hukum duwé hak manggon ing laladan kasebut, utawa nduwèni surat resmi kanggo manggon ing kana, nanging milih manggon ing laladan liya.

Jroning èlmu sosiologi, padunung ya iku kumpulan manungsa kang ngenggoni wewengkon geografi lan ruang tinamtu.

Masalah-masalah bab padunung disinaoni ing èlmu Demografi. Manéka warna aspèk perilaku manungsa disinaoni ing sosiologi, ékonomi, lan geografi. Demografi akèh dianggo ing babagan pemasaran, sing gegandhèngan raket karo unit-unit ékonomi, kayadéné pengècèr nganti pelanggan potensial.

Kapadhetan padunung

Tuwuhing padunung luwih dhuwur ing nagara berkembang (abang) katimbang ing nagara maju (biru)

Kapadhetan padunung diitung kanthi: mara cacahing padunung karo jembar wewengkon sing dipanggoni.

Sawetara pengamat masarakat percaya yèn konsèp kapasitas amot uga lumaku jroning nyinaoni bab padunung ing bumi, ya iku padunung sing ora kakontrol bisa nyebabaké katastrofi Malthus. Sawetara pengamat liyani ora percaya marang panemu iki. Grafik ing ngisor nuduhaké mundhaké logistik padunung.

Nagara-nagara cilik biasané nduwèni kapadhetan padunung paling dhuwur, ing antarané: Monako, Singapura, Vatikan, lan Malta. Nagara gedhé sing nduwèni kapadhetan padunung dhuwur antara liya Jepang lan Bangladesh.

Padunung donya

Populasi donya 1950-2011

Cepeting tuwuh 1950-2010

Adhedhasar èstimasi kang ditrebitkan déning Biro Sensus Amérika Sarékat, padunung donya ngancilk angka 6,5 milyar jiwa ing tanggal 26 Februari 2006 jam 07.16 WIB. Saka watara 6,5 milyar padunung donya, 4 milyar ing antarané manggon ing Asia. Pitu saka sepuluh nagara kanthi padunung paling akèh ing donya dumunung ana ing Asia (senadyan Rusia dumunung ing Éropah). Ing ngisor iki peringkat nagara-nagara ing donya adhedhasar cacahing padunung (2005):

1. Républik Rakyat Tiongkok (1.306.313.812 jiwa)
2. India (1.103.600.000 jiwa)
3. Amérika Sarékat (298.186.698 jiwa)
4. Indonésia (241.973.879 jiwa)
5. Brasil (186.112.794 jiwa)
6. Pakistan (162.419.946 jiwa)
7. Bangladesh (144.319.628 jiwa)
8. Rusia (143.420.309 jiwa)
9. Nigeria (128.771.988 jiwa)
10. Jepang (127.417.244 jiwa)

-->

Réferènsi

• Proceedings of the United Nations Expert Meeting on World Population to 2300

Pranala njaba

• Phishare.org
• Population Reference Bureau
• Populationworld.com
• Divisi kependudukan PBB
• Biro Sensus AS - Daftar nagara ing donya miturut cacahing padunung
• PopulationData.net - Informasi lan peta penduduk dunia
• World Population Clock - Sensus padunung AS
• (ing basa Prancis) WorldPopClock.com