Anestesi

Anestesi (pambiusan; asal saka basa Yunani an-"ora, tanpa" lan aesthētos, "persèpsi, kamampuan kanggo ngrasa"), sacara umum maknané tindakan ngilangaké rasa lara nalika ngayahi pambedhahan lan manéka prosedhur liyané sing nyebabaké rasa lara ing awak. Istilah anestesi dipigunakaké sepisanan déning Oliver Wendel Holmes Sr ing taun 1846.

Rong klompok anestesi

Obat kanggo ngilangaké nyeri kabagi jroning rong klompok, ya iku analgetik lan anestesi. Analgetik iku obat kanggo ngurangi nyeri tanpa disertani ilangé rasa sacara total. Wong sing ngonsumsi analgetik tetep sadhar. Analgetik ora ngilangaké kabèh rasa nyeri, nanging mung ngènthèngaké rasa nyeri.

Sawetara jinis anestesi nyebabaké ilangé kasadaran, déné jinis sing liya mung ngilangaké nyeri ing bagéan awak tinamtu lan sing nganggo tetep sadar.

Tipe anestesi

Sawetara tipe anestesi ya iku:

• Pambiusan total — ilangé kasadaran total
• Pambiusan lokal — ilangé rasa ing laladan tinamtu sing dikarepaké.
• Pembiusan regional — ilangé rasa ing bagéan sing luwih amba saka awak déning blokade selektif ing jaringan spinal utawa saraf sing magepokan

Uga delengen

• Kedhokteran
• Anestesiologis

Daftar pustaka

• Martaningtyas, Tsemol (2005): "Terbius memburu paten gas tertawa"
• Suryanto,dr (1998): "Trauma selama dan setelah operasi"

Pranala njaba

• History of anaesthesia society