Sandwich

Sandwich

Sandwich iku jinis panganan kang digawé saka roti setangkup kang isine daging lan keju (padatan diwenehi tomat, brambang, lan kul). Roti kang digawé kanggo gawé sandwich iku diarani sandwich bread kang wujude segi papat. Nanging, roti liyane uga bisa digawé sandwich, kayata French bread, toast bread, hamburger bun, hotdog bun, lan liya-liyane. Padatan ing sadhuwuring roti diolesi mayones sithik, mentega, margarin utawa minyak zaitun kanggo perekat lan bisa nambah aroma. Sandwich biasane didol ing restoran utawa ing cafe.

Ing nagara kang wargane ora dhahar sega, sandwich padatan digawa menyang sekolah utawa menyang kantor diwadhahi ing sajroning kothak kang diarani lunchbox utawa sajroning kantong kertas awarna coklat kang diarani brown bag (sandwich bag) lan dihahar nalika dhahar siang.

Sandwich uga digawa minangka panganan praktis nalika plesiran, munggah gunung utawa mung mlaku-mlaku. Ing omah, sandwich didhahar minangka nyamikan utawa kanggo njangkepi dhaharan utama. Yen didhahar minangka dhaharan utama, sandwich padatan disajekake karo dhaharan pandamping kayata sup (soup-and-sandwich), selada (salad-and-sandwich), kripik kenthang, kenthang goreng, asinan ketimun), utawa selada kol.