Rahim

Uterus
Rincian
Purwaka	Müllerian duct
Arteri	arteri ovarium, arteri rahim
Vena	vena rahim
Getah bening	body and cervix to internal iliac lymph nodes, fundus to para-aortic lymph nodes plus superficial inguinal lymph nodes
Pengenal
MeSH	D014599
TA98
TA2	3500
FMA	17558
Terminologi anatomi

Rahim utawa guwa garba utawa kandhutan ya iku bagéyan saka organ reproduksi wanita kang wujudé kaya pir kuwalik, nduwé otot lan dumunung ing panggul antarané kandung kemih lan rektum. Organ iki kanggo njaga janin sadurungé lair kayadéné omah. Sawisé babaran, rahim iki aboté kurang luwih 0,7 kilogram. Témbok gua garba kasusun saka 3 lapis jaringan, ya iku lapisan njaba (serosa), tengah (myometrium), lan njero (endometrium). Panggawéyan endhog lan menstruasi kadadeyan sacara siklis sing kalampah kanthi 4 fase ya iku : 1. Tahap menstruasi (dina kaping 1 - 7 ), ya iku rontokélan metuné témbok gua garba saka njero awak. Perkara iki disebabké kurangé kadar hormon seks ing sakjrone awak. 2. Tahap praovulasi (dina kaping 7 - 13 ), ya iku wanciné nggawéné lan matengaké sel endhog ing saknjeroné ovarium amarga mundhakékadar estrogen ing njero awak. 3. Tahap Ovulasi, ya iku metuné sèl endhog sing wis mateng saka ovarium sing biasané disebut masa subur. Yen siklusé pas wanciné, ovulasi kadadéyan witara dina kaping 14 saka prastawa menstruasi. 4. Tahap pascaovulasi (dina kaping 15 - 28), ya iku masa sel endhog ora nglakoni pembuahan. Ing tahap iki, produksi progesteron mundhak nganti endometrium dadi luwih kandel lan siap nampa embrio kanggo modot. Yen ora ana fertilisasi, hormon seks ing sak jeroné awak dadi entèk lan ndadèkaké endometrium rontok.