Isaac Asimov: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
Top4Bot (parembugan | pasumbang)
c →‎Posisi intelèktual: ganti kat using AWB
Top4Bot (parembugan | pasumbang)
→‎Posisi intelèktual: ganti kat using AWB
Larik 25: Larik 25:
{{DEFAULTSORT:Asimov, Isaac}}
{{DEFAULTSORT:Asimov, Isaac}}
[[Kategori:Panulis Amérika]]
[[Kategori:Panulis Amérika]]
[[Kategori:Kalairan 1920]]
[[Kategori:Lair 1920]]
[[Kategori:Pati 1992]]
[[Kategori:Pati 1992]]

Révisi kala 19 Oktober 2016 04.21

Barkas:Isaac Asimov on Throne.png
Dr. Isaac Asimov linggih ing singgasana sing dihési karo simbul-simbul karya utama ing uripé.
Ilustrasi: Rowena Morrill

Isaac Asimov (shtetl Petrovichi ing Smolensk Oblast, RSFSR (Rusia), kurang luwih ing 2 Januari 19206 April 1992) iku ahli biokimia Amerika Sarekat kalairan Rusia, sing uga sawijining panulis sing suksès banget lan prodhuktif banget. Dhèwèké misuwur banget amarga karya fiksi ilmiah lan buku sains kanggo wong awam. Karya Asimov sing misuwur dhéwé iku Séri Dhasar (Foundation Series), sing digabung dadi rong séri liyané, Séri Karajan Galaksi (Galactic Empire Series) lan Séri Robot (Robot Series).

Asimov uga misuwur déning hukumé: Three Rules of Robotics.

Babad slira

Asimov dilahiraké kurang luwih ing tanggal 2 Januari 1920 (iki tanggal kelairané kanggo kaperlon resmi, awit tanggal kelairané sing tenan ora dingertèni) ing shtetl Petrovichi, Smolensk Oblast, Rusia. Wong tuwané ya iku pasangan Anna Rachel Berman Asimov lan Judah Asimov, sawijining kulawarga Yahudi sing nyambut gawé ing sawijining penggilingan. Banjur kabèh padha pindhah menyang Amérika Sarékat nalika dhèwèké umuré telung taun. Isaac Asimov tumuwuh ing Brooklyn, New York, dhèwèké bisa sinau maca nalika umuré limang taun. Wong tuwané nduwé toko permèn lan ngarepaké supaya kabèh anggota kulawargané bakal nyambut gawé ing kono. Asimov wiwit ndeleng lan maca kalawarta-kalawarta fiksi èlmiah ing toko iku. Nalika Asimov remaja, dhèwèké wiwit nulis ceritané dhéwé lan banjur ngedol ing kalawarta-kalawarta fiksi.

Asimov banjur kuliyah lan lulus saka Universitas Columbia ing taun 1939 lan olèh gelar dhoktor (Ph.D.) ing bidang kimia nalika ing taun 1948. Dhèwèké banjur nggabung karo fakultas Universitas Boston, ing endi dhèwèké dadi pegawé honorèr, dudu pengajar. Universitas Boston banjur mandheg ngwèhi gaji ing taun 1958, nalika gajiné saka kasil tulisané ngluwihi gajiné olèhé ngajar. Banjur Asimov diangkat dadi profèsor enom lan pangkaté diunggahaké dadi profèsor penuh ing taun 1979. Wiwit taun 1965, tulisan-tulisan pribadiné wis diarsip ing Kapustakan Pèngetan Mugar (Mugar Memorial Library) ing univèrsitas iku. Banjur ing taun 1985, dhèwèké dadi Presidhèn Asosiasi Humanisme Amérika lan fungsi iki tetep dijabat nganti patiné ing taun 1992; sing ngganti banjur kanca lan uga koléga penulis Kurt Vonnegut, Jr.

Asimov omah-omah karo Gertrude Blugerman ing tanggal 26 Juli 1942 lan pinaringan rong putra: David (1951) lan Robyn (1955). Banjur sawisé pisah rada suwé, Asimov pegatan ing taun 1973. Banjur Asimov kawin manèh karo Janet O. Jeppson ing pungkasané taun iku.

Asimov tilar donya ing tanggal 6 April 1992. Dhèwèké nilar bojo enomé lan anaké loro. Sepuluh taun sawisé tilar donya, Janet nulis biografi Asimov sing ajudhul It's Been a Good Life, yèn olèhé tilar donya iku disebabaké déning penyakit AIDS; Asimov ketularan virus HIV saka sawijining transfusi getih nalika kudu operasi bypass jantung ing taun 1983. Panyebab kapatèné sing sejati iku gagal jantung lan ginjel sing diakibataké déning AIDS. Janet celathu yèn para dhokter awèh saran supaya Asimov ngrahsyakaké penyakit. Nanging para dhokter iki padha maido lan wicara yèn Janet sing sajatiné péngin ngrahsyakaké.

Posisi intelèktual

Isaac Asimov iku humanis lan rasionalis. Dhèwèké ora nantang kapracayané wong liya sing murni, nanging ora seneng karo takhayul utawa kapracayan sing ora ana buktiné. Asimov wedi numpak montor mabur lan nalika urip namung ping loro naté numpak montor mabur. Banjur Asimov uga sawijining wong sing ngidhep kelainan klaustrofil (seneng marang bilik sing cilik lan katutup).

Asimov iku pendhukung setya Parté Dhémokrat AS. Bab panggunan tenaga nuklir, Asimov setuju, anggeré namung kanggo panggunan sipil waé. Saliyané iku ing karya-karya panulisané, dhèwèké uga kerep nyinggung masalah-masalah krisis lingkungan urip, kaya ta pemanasan global lan rusaké lapisan ozon (contoné Our Angry Earth (1991)).

Wikipedia
Wikipedia
Artikel punika, artikel dhasar ingkang kedah dipundarbèni sadaya basa.