Soedirman: Béda antara owahan

Saka Wikipédia Jawa, bauwarna mardika basa Jawa
Konten dihapus Konten ditambahkan
Top4Bot (parembugan | pasumbang)
c →‎Pranala njaba: ngepasaké using AWB
Top4Bot (parembugan | pasumbang)
c →‎Pranala njaba: + kat using AWB
Larik 59: Larik 59:
[[Kategori:Tokoh Banyumas]]
[[Kategori:Tokoh Banyumas]]
[[Kategori:Wong]]
[[Kategori:Wong]]
[[Kategori:Kalairan 1916]]

Révisi kala 13 Sèptèmber 2016 07.58

Soedirman
24 Januari 191629 Januari 1950

Jenderal Besar Soedirman
Papan kelairan Bodas Karangjati, Purbalingga, Jawa Tengah
Papan pesaréan Magelang, Jawa Tengah, Indonésia
Pengabdian tumrap Indhonésia Indonésia
Suwéné dines 1945–1950
Pangkat Jenderal Besar Anumerta Bintang Lima (1997)
Kesatuan TKR/TNI
Divisi V / Banyumas
Batalyon Kroya
Komando Panglima Besar TKR / TNI (pangkat Jenderal)
Panglima Divisi V / Banyumas (pangkat Kolonel)
Komandan Batalyon Kroya, Jawa Tengah
Perang Palagan Ambarawa
Serangan Umum 1 Maret 1949
Perang Kamardhikan Indonésia
Penghargaan Pahlawan Pembela Kemerdekaan

Soedirman utawi jangkepipun Jendral Besar TNI Anumerta Soedirman (Ejaan Soewandi: Sudirman) (lair ing Bodas Karangjati, Rembang, Purbalingga, 24 Januari 1916 – tilar donya ing Magelang, 29 Januari 1950 kanthi yuswa 34 taun) inggih punika salah sawijining pahlawan Indonésia ingkang berjuang ing mangsa kamardhikan Républik Indonésia. Katulis wonten ing sejarah Indonésia, panjenengane njabat dados Panglima lan Jendral Indonésia kapisan ingkang paling nem. Nalika yuswanipun Soedirman 31 taun panjenengane sampun dados Jendral. Sanadyan gerah Tuberkulosis Paru-paru panjenengane tetep berjuang ing palagan kagem mbela kamardhikan Indonésia. Soedirman tilar donya amargi gerah Tuberkulosis Paru-paru lan dipunsarèkaké ing Taman Makam Pahlawan Semaki (Kusumanagara), Yogyakarta.

kulawarga

Soedirman ageng wonten ing kulawarga ingkang sedherhana. Ramanipun, Karsid Kartowirodji makarya wonten ing Pabrik Gula Kalibagor, Banyumas. Lan ibunipun, Siyem inggih punika keturuna Wedana Rembang. Nalika Soedirman 8 sasi panjenengane dipunpundhut putra déning Raden Tjokrosoenaryo salah satunggaling asisten Wedana Rembang ingkan taksih seduluripun Siyem.

Soedirman nglampahi pasinaonan wonten ing Sekolah Taman Siswa ingkang dipunlajengaken wonteng ing HIK Sekolah guru Muhammadiyah wonten ing kutha Surakarta ananging boten purna. Nalika sekolah panjenengane ugi anggota organisasi Pramuka Hizbul Wathan. Soedirman dados guru wonten ing HIK Muhammadiyah ing Cilacap.

Nalika mangsa penjajahan Jepang Soedirman mlebet ing tentara Pembela Tanah Air PETA ing Bogor dipundidik déning tentara Jepang. Sasampunipun ngrampungaken pasinaunan ing PETA panjenengane dados Komandan Batalyon ing Kroya, Cilacap|Kroya Jawa Tengah. Lajeng dados Panglima Divisi V/Banyumas sasampunipun TKR kabentuk, lan dados Panglima Angkatan Perang Républik Indonésia Panglima TKR.

Soedirman misuwur kanthi pribadi ingkang teguh ing kapercayan lan cekelan urip, Soedirman langkung ngutamakake keperluan masyarakat lan negri tinimbang kaperluanipun piyambak, keséhatanipun Soedirman piyambak ugi. Katulis ing buku anggitaning Tjoktopranolo pungawanipun nalika gerilya, panjenengane tiyang ingkang konsisten lan konsekuen nalika mbela kepentingan negri.

Nalika penjajahan Jepang Soedirman nate dados anggota Badan Pengurus Makanan Rakyat lan anggota Dewan Perwakilan Rakyat Karesidenan Banyumas. Lan mbangun Koperasi kagem nulung rakyat saking kelaparan.

Sasampunipun Perang Dunia II purna, Jepang nyerah tanpa sarat marang Pasukan Sekutu lan Soekarno ngumumaken kamardhikan Indonésia. Soedirman angsal prestasi kapisan dados tentara sawise mundhut senjata tentara Jepang ing Palagan Banyumas, Jawa Tengah. Soedirman mimpin batalyon PETA dados resimen ing Banyumas ingkang dipunrintis dados pasukan perang republik Indonésia lan dados pasukan utama ing perang Revolusi Nasional Indonésia.

Perang Dunia II kang dipunmenangaken déning tentara Sekutu ing atase Jepang ndadosaken tentara Walanda mlebet ing pulo Hindia, Walanda sapunika Républik Indosenia ingkang sampun mutuasake kangge mardhika. Tentara Sekutu dugi ing Indonésia sawise tentara Jepang nyerah kanthi alasan mundhut ragatipun tentara Jepang, ananging NICA tumut kalih tentara Sekutu badhe mundhut Indonésia dados koloninipun. Ananging TKR perang kaliyan tentara Sekutu.

Palagan ageng kapisan ingkang dipunpimpin déning Soedirman inggih punika Palagan Ambarawa nglawan tentara Inggris lan NICA, Walanda ingkang kalaksanan ing wulan November dumugi Desember 1945. 12 Desember 1945 Soedirman nyerang Inggris sesarengan ing Ambarawa. Palagan wau kalaksana 5 dinten dipunpungkasi kanthi mundhuripun tentara Inggris ing Semarang tanggal 16 Desember 1945.

Sawise Soedirman menang ing Palagan Ambarawa tanggal 18 Desember 1945, panjenengane dipunangkat dados Jendral déning Presiden Soekarno. Soedirman angsal gelar Jendral boten saking sistem Akademi Militer utawi pasinaonan sanes ananging saking prestasinipun.

Nalika Agresi Militer II Walanda kedaden, kutha krajannipun Indonésia dipunpindah wonten ing Yogyakarta sebab Jakarta sampun dipunkuwasai déning tentara Walanda. Soedirman mimpin tentara kagem mbela Yogyakarta saking Walanda tanggal 19 Desember 1948. Nalika palagan kasebut, panjenengane sampun gerah Tuberkulosis ingkang sampun parah. Sanadyan kados mekaten panjenengane tetep tumut perang kanthi tandu .

Soedirman langkung awrat anggenipun nglampahi gesangipun, amargi paru-parunipun penjenange namung kantun setunggal ingkang saged dipunagem. Salajengipun Yogyakarta dipunpundhut denng Walanda, sanadyan sempet dipunkuwasai Indonésia nalika Seranagan Umum I Maret 1949. Nalika samanten, Presiden Soekarno lan Mohammad Hatta lan saperangan anggota kabinet dipuncekel déning tentara Walanda. Amargi kahanan ingkang awrat, Soedirman kanthi dipuntandu mimpin perang. Panjengane pindah-pindah ngantos 7 sasi saking wana dumugi wana, saking gunung ing gunung kanthi kahanan gerah ingkang awrat. Sanadyan tasih kersa mimpin perang, panjenengane kondur.

Sasampunipun Walanda nyerahaken kepuloan nusantara dados Républik Indonésia Serikat ing Konferensi Meja Bundar taun 1949 ing Den Haag, Jendral Soedirman kondur ing Jakarta bebarengan kaliyan Presiden Soekarno lan Mohammad Hatta.

Tilar Donya

Nalika 29 Januari 1950, Jendral Soedirman tilar donya ing kutha Magelang, Jawa Tengah sebab gerah Tuberkulosis ingkang awrat. Lan dipunmakamaken ing Taman Makam Pahlawan Kusuma Nagara ing Semaki, Yogyakarta. Panjenenganipun tunjuk dados Jendral Besar Anumerta kanthi gangsal lintang, dumugi sapunika pangkat punika namung dipunparingaken déning 3 Jendral ing Indonésia inggih punika Haji Muhammad Soeharto, Abdul Haris Nasution lan panjengipun.

Pranala njaba