Salat sunat

Shalat Sunnat utawa salat nawafil (jamak:nafilah) iku shalat sing dianjuraké supaya diayahi nanging ora wajib saéngga ora dosa yèn ditinggalaké. Salat sunnat miturut hukum dumadi saka rong golongan yakuwi:

• Muakkad, ya iku salat sunnat sing dianjuraké kanthi panekanan sing kuwat (nyedhaki wajib), kayata salat dina riyaya, salat sunnat witir lan salat sunnat thawaf.
• Ghairu Muakkad, ya iku salat sunnat sing dianjuraké tanpa panekanan sing kuwat, kayata salat sunnat Rawatib lan salat sunnat sing sifaté insidentil (gumantung wektu lan kahanan, kayata salat kusuf/khusuf mung diayahi nalika ana grahana).

Pamérangan miturut pelaksanaan

• Salat sunnat sing diayahi sacara dhèwèkan (munfarid) antara liya:
  • Shalat Rawatib
  • Shalat Wudhu
  • Shalat Istikharah
  • Shalat Mutlaq
  • Shalat Dhuha
  • Shalat Tahiyyatul Masjid
  • Shalat Tahajjud
  • Shalat Hajat
  • Shalat Awwabin
  • Shalat Tasbih
  • Shalat Taubat
• Déné sing bisa diayahi sacara bebarengan berjama'ah antara liya:
  • Shalat Tarawih
  • Shalat Ied
  • Shalat Grahana
  • Shalat Istisqa

Wektu ora kena ngayahi salat sunnat

• Srengéngé mlethèk nganti munggah sadhuwuring lembing
• Srengéngé persis ing tengah (zenith), nganti miwiti miring
• Sawisé ashar nganti srengéngé angslup
• Sawisé shubuh
• Nalika srengéngé angslup nganti sampurna angslupé

Rujukan

• Kumpulan Shalat-Shalat Sunnat, Drs. Moh. Rifa'i, CV Toha Putra, Semarang, 1993